18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Մտավախություն չունենք, որ մարդ բերենք. Հակոբ Սիմիդյանը՝ մարտի 1-ի երթին Սամվել Ալեքսանյանի աշխատակիցների ներկայության մասին. ՏԵՍԱՆՅՈՒԹ
Քաղաքականություն
26.02.2019 | 15:28
Քիչ առաջ ավարտվեց «Իմ քայլը» խմբակցության նիստը, որտեղ քննարկվում էր մարտի 1-ի երթին խմբակցության մասնակցության ձևաչափը: Խմբակցության քարտուղար Հակոբ Սիմիդյանը լրագրողների հետ զրույցում նշեց, որ վերջնական որոշում չեն կայացրել՝ խմբակցության համար պարտադի՞ր է լինելու մասնակցությունը, թե՞ ազատ:
«Աշխատանքային խումբ ձևավորվեց, որը կքննարկի առաջարկները: Մասնակցության հետ կապված միգուցե հայտարարության տեքստ լինի, այսինքն՝ պաշտոնապես հայտարարում ենք, որ բոլորով մասնակցո՞ւմ ենք, թե՞ դա ազատ է: Պատգամավորներ կային, որ ասում էին՝ բոլորս մասնակցենք, կարծիքներ էլ կային, որ պետք է ազատ լինի»,- ասաց նա:
Տեղեկություններին, թե գործարար Սամվել Ալեքսանյանը, ի աջակցություն երթի, պատրաստվում է իր աշխատակիցներին պարտադրել մասնակցել, որ երթը բազմամարդ լինի, Սիմիդյանը պատասխանեց. «Դուք կարծում եք, որ մենք ֆրակցիայում նման բանե՞ր ենք քննարկում, մարդ բերելու հա՞րց ենք քննարկում: Բնականաբար, պետք է իրազեկենք, բայց ոչ մարդ բերենք: Մենք մտավախություն չունենք, որ մարդ բերենք»:
Factor.am-ի հիշեցմանը, որ նախորդ տարի ՀԱԿ-ի կազմակերպած երթին ՔՊ-ականները հարթակ չբարձրացան, այս տարի ի՞նչ որոշում կա, արդյո՞ք հարթակում միայն ՔՊ-ականներն էլ լինելու, Սիմիդյանն արձագանքեց. «Մենք մասնակցում ենք, մյուս քաղաքական ուժերն իրենք կորոշեն՝ մասնակցում են, թե՞ ոչ: Ես տեղեկություններ չունեմ, մյուս ուժերը միանալու են, թե՞ ոչ: Սա մեկ քաղաքական ուժի երթ չէ, բոլորը կարող են մասնակցել»:
Հակոբ Սիմիդյանը նշեց, որ միայն երթ է լինելու, ելույթներ նախատեսված չեն: Վարչապետ Նիկոլ Փաշինյանը հայտարարել էր, որ այդ օրն ուղերձով դիմելու է քաղաքացիներին: Սիմիդյանը փոխանցեց, որ հնարավոր է՝ դա լինի ֆեյսբուքյան ուղիղ եթերի միջոցով, վերջնական որոշում չկա:
Մանրամասները՝ տեսանյութում:
Նարեկ Կիրակոսյան
