18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Տիմոշենկոն հայտարարել է Պորոշենկոյի իմպիչմենտի գործընթաց սկսելու մասին
Քաղաքականություն
26.02.2019 | 15:03
Ուկրաինայի նախագահի պաշտոնին հավակնող «Հայրենիք» («Батькивщина») կուսակցության առաջնորդ Յուլիա Տիմոշենկոն հայտարարել է գործող նախագահ Պյոտր Պորոշենկոյի իմպիչմենտի գործընթացը սկսելու մասին: Այս մասին գրում է ՌԻԱ Նովոստին՝ հավելելով, որ դա տեղի է ունեցել բանակում զանգվածային հափշտակությունների մասին լրագրողական հետաքննության հրապարակումից հետո:
«Այն, ինչի մասին լրագրողները հրապարակել են, պետական դավաճանություն է»,- Ռադայում ելույթի ժամանակ հայտարարել է Տիմոշենկոն:
Նշվում է, որ Ուկրաինայի Սահմանադրությունը թույլատրում է իմպիչմենտի գործընթաց սկսել, եթե նախագահին կասկածում են պետական դավաճանության կամ այլ հանցագործության մեջ:
Դրա համար խորհրդարանում պետք է ժամանակավոր քննիչ հանձնաժողով ստեղծվի՝ բոլոր փաստերը հավաքելու համար: Այնուհետև Ռադան առնվազն 226 ձայնով պետք է նախագահին մեղադրանք առաջադրելու, իսկ հետո՝ 300 ձայնով իմպիչմենտի մասին որոշում կայացնի:
Նշվում է, որ լրագրողական հետաքննություն իրականացնող Bihus.info-ի թիմը նախօրեին նյութ է հրապարակել, որում ուկրաինական պաշտպանական համալիրում զանգվածային հափշտակությունների սխեմա է բացահայտել:
Հրապարակման հեղինակները պնդում են, որ հանցագործությանը մեղսակից են Պորոշենկոյի մերձավոր պաշտոնատար անձինք:
