Պարույր Հայրիկյանը կներկայացնի Սահմանադրության պատրաստի նախագիծ․ ՏԵՍԱՆՅՈՒԹ

ԱԻՄ առաջնորդ Պարույր Հայրիկյանը բոլոր քաղաքական ուժերին վաղը հրավիրում է Դեմոկրատների գրասենյակ՝ ներկա լինելու բացարձակ ժողովրդավարական Սահմանադրության ներկայացմանը։

«Ըստ Հայրիկյանի՝ ցանկացած երկրում արմատական փոփոխությունները կատարվում են Սահմանադրության միջոցով, իսկ քանի որ մեզ պարտադրված Սահմանադրությունը պարտադրված է այն քաղաքական ուժի կողմից, որի առաջնորդն ասաց, որ ինքը սխալ է, հետևաբար կա անհրաժեշտություն ընդունելու բացարձակ ժողովրդավարության Սահմանադրություն»,- այս մասին այսօր հրավիրված մամուլի ասուլիսի ժամանակ, անդրադառնալով սահմանադրական բարեփոխումների անհրաժեշտությանն ասաց ԱԻՄ առաջնորդը՝ նշելով, որ վաղը ներկայացնելու է պատրատի նախագիծ, որի հիմքում ընկած է մեկ բան՝ քաղաքացին երկրի տերն է։

Դիտարկմանը՝ այդ դեպքում, երբ վարչապետ Նիկոլ Փաշինյանը հայտարարում է, որ քաղաքացին է երկրի տերը՝ արդյոք գործող Սահմանադրությունը նրան թույլ չի տալիս նման հայտարարություն անել, Պարույր Հայրիկյանը նկատեց, որ վարչապետը, երբ ասում է ժողովուրդը եկել է իշխանության, նկատի ունի՝ իր իշխանության գալը։

«Դա հասկանալի է, տրամաբանական է, բոլոր քաղաքական գործիչներն էլ ասում են, եթե դուք ուզում եք գալ իշխանության, ինձ ձայն տվեք, իմ միջոցով դուք կգաք իշխանության։ Կարծում եմ, որ Փաշինյանի համար էլ օգտակար կլինի ծանոթանալ բացարձակ ժողովրդավարության տեսությանը»,- ասաց ԱԻՄ առաջնորդը։

Մանրամասները՝ տեսանյութում։

Աղավնի Սուքիասյան