15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Դեկտեմբերի 9-ի ընտրությունները լավագույնն էին, որ տեղի ունեցան անկախ Հայաստանում․ ԵՄ դեսպան. ՏԵՍԱՆՅՈՒԹ
Քաղաքականություն
26.02.2019 | 12:46
2018թ. դեկտեմբերի 9-ին տեղի ունեցած խորհրդարանական ընտրությունները լավագույնն էին, որ տեղի ունեցան անկախ Հայաստանում:
Փետրվարի 26-ին լրագրողների հետ հանդիպմանը նման կարծիք հայտնեց Հայաստանում Եվրամիության պատվիրակության ղեկավար, դեսպան Պյոտր Սվիտալսկին:
«Մենք համարում ենք, որ Հայաստանում տեղի ունեցած այս ընտրությունները շատ բարձր մակարդակի վրա էին, դրանք բավարարում էին միջազգային չափորոշիչներին: Կարծում եմ՝ կարելի է ասել, որ դրանք լավագույն ընտրություններն էին, որ տեղի ունեցան անկախ Հայաստանում»,- ասաց նա:
Նրա խոսքով՝ այն փաստը, որ չկար որևէ բողոքարկում, գործընթացը շատ սահուն և մաքուր էր, արդեն խոսում է արդյունքների մասին:
«Իհարկե՝ սա չի նշանակում, որ ընտրությունները կատարյալ էին, որովհետև կային որոշակի թերություններ, որոնք հիշատակվել են միջազգային զեկույցներում: Սա ցույց է տալիս, որ աշխատանքն այս ուղղությամբ պետք է շարունակել: Որքանով հասկանում եմ Կառավարության ծրագրից և խորհրդարանի ղեկավարների հայտարարություններից՝ Հայաստանը հստակ մտադրություն ունի արդիականացնել և բարելավել Ընտրական օրենսգիրքը, շարունակել աշխատել ընտրական բարեփոխումների ուղղությամբ: Եվ մենք՝ որպես Եվրամիություն, պատրաստ կլինենք շարունակել մեր աջակցությունն ու ներգրավվածությունն այս գործընթացում»,- հավելեց ԵՄ պատվիրակության ղեկավարը:
Մանրամասները՝ տեսանյութում:
