03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Իրանի ԱԳ նախարարը հրաժարական է տվել. խորհրդարանի անդամները նախագահին խնդրել են չընդունել հրաժարականը
Քաղաքականություն
26.02.2019 | 11:17
Իրանի ԱԳ նախարար Մոհամմադ Ջավադ Զարիֆը հայտարարել է պաշտոնից հեռանալու մասին: ՌԻԱ Նովոստիի փոխանցմամբ՝ Զարիֆն այս մասին գրել է Instagram-ում:
«Շնորհակալ եմ Իրանի թանկագին ու քաջ ժողովրդին՝ մեծահոգության և իշխանություններին վերջին 67 ամիսների համար: Անկեղծորեն ներողություն եմ խնդրում՝ ծառայությունը շարունակելու անկարողության և ծառայության ընթացքում բոլոր թերությունների համար: Երջանիկ եղեք»,- գրել է Զարիֆը:
Իրանի խորհրդարանի անդամների մեծամասնությունը նամակ է հղել նախագահ Հասան Ռոհանիին՝ խնդրելով Զարիֆին թողնել ԱԳՆ ղեկավարի պաշտոնում: Նախարարի հրաժարականի հարցը խորհրդարանականները քննարկելու են այսօր:
Նշենք, որ Մոհամմադ Ջավադ Զարիֆն Իրանի ԱԳՆ-ն ղեկավարում է 2013 թվականից:
