Առանց տնտեսական դիվանագիտության մեզ չի հաջողվի նույնիսկ տնտեսական զարգացում ապահովել, ուր մնաց հեղափոխություն. Արման Բաբաջանյան

25.02.2019 | 19:05

Լուրեր

14.12.2025 | 11:41

Ապարանի համայնքապետարանը՝ քամու պատճառած վնասների մասին

14.12.2025 | 11:36

18:00-ից հետո քամու արագությունը զգալիորեն կնվազի և չի խանգարի տոնածառի լույսերի վառման արարողությանը․ Լևոն Ազիզյան

14.12.2025 | 11:32

ՃՏՊ Սիսիան-Երևան ավտոճանապարհի․ կա տուժած

14.12.2025 | 11:03

Փաշինյանը պատարագի է մասնակցում Այգեշատի Սուրբ Գևորգ եկեղեցում․ ՈՒՂԻՂ

14.12.2025 | 10:52

Ինքնաթիռով տեղափոխումը անցանկալի հետևանքներ կունենար․ նոր մանրամասներ՝ Նոր Նորքում հայտնված «Կարմիր մահիկի» մեքենայի մասին

14.12.2025 | 10:28

Վարդենյաց լեռնանցքում բուք է

14.12.2025 | 10:10

Ահազանգեր են ստացվել տապալված ծառերի, սյուների, ինչպես նաև պոկված կառուցատարրերի վերաբերյալ․ ՆԳՆ

13.12.2025 | 22:20

Ֆրանսիան հաղթեց «Մանկական Եվրատեսիլ»-ում

13.12.2025 | 22:11

Ադրբեջանն առաջին անգամ «Մանկական Եվրատեսիլում» Հայաստանի ներկայացուցչին միավոր տվեց

13.12.2025 | 20:31

Սուրեն Պապիկյանն ու Աննա Վարդապետյանն այցելել են հյուսիսարևելյան սահմանագոտի

13.12.2025 | 20:00

Որ գույքերը հողին կհավասարեցվեն. Factor TV-ն Սևանի ափի անօրինական կառույցների հետքերով․ ՏԵՍԱՆՅՈւԹ

13.12.2025 | 19:44

Ալեն Սիմոնյանը Վրաստան է մեկնել Ալբերտին երկրպագելու համար

13.12.2025 | 19:00

Օրբելիի 5 երկնաքերները փակում են Հրազդանի կիրճի գեղեցկագույն լանդշաֆտը՝ քաղաքի թոքերը. Կարեն Բալյան

13.12.2025 | 18:41

Լուկաշենկոյի կողմից ազատ արձակված քաղբանտարկյալները լքել են Բելառուսի տարածքը

13.12.2025 | 18:03

Իրավիճակն ավտոճանապարհներին՝ 17։10-ի դրությամբ

Բոլորը

ԼՀԿ խմբակցության պատգամավոր Արման Բաբաջանյանը ֆեյսբուքյան իր էջում արված գրառմամբ անդրադարձել է Հայաստանի կառավարության հռչակած տնտեսական հեղափոխությանը:

«Հայաստանի կառավարության հռչակած տնտեսական հեղափոխությունը պահանջում է ինչպես ներքին, այնպես էլ արտաքին քաղաքական բազմաթիվ քայլեր ու գործողություններ։ Եթե երկրի ներսում իրականացվելիք քայլերի վերաբերյալ ինչ-ինչ պատկեր ուրվագծվում է, ապա տակավին անհայտ է, թե արտաքին քաղաքական ինչ գործողություններ է նախատեսում կառավարությունը տնտեսական հեղափոխությունը սպասարկելու տեսանկյունից։

Ո՛չ կառավարության ծրագրում, ո՛չ այդ ծրագրի հրապարակումից հետո վարչապետի ներկայացրած 15 կետերում չի երևակվում որևէ քայլ, գործողություն, անելիք, գաղափար, որը կվերաբերեր արտաքին տնտեսական հարաբերություններին, մասնավորապես արտաքին քաղաքականության այն հատվածին, որը կոչվում է տնտեսական դիվանագիտություն։ Մինչդեռ դա պետք է լինի արտաքին քաղաքականության կարևորագույն գերակայությունը, հատկապես մի պետության պարագայում, որը հռչակել է տնտեսական հեղափոխություն իրականացնելու նպատակադրում։

Ընդհանրապես տնտեսական դիվանագիտությունը մեր արտաքին քաղաքականության մեջ մղված է երկրորդական, երրորդական պլան։ Մենք չունենք փաստաթղթային բազա, ռազմավարություն կամ հայեցակարգ, թե ինչպես է պատրաստվում արտաքին քաղաքական գերատեսչությունը դիվանագիտական կորպուսի միջոցով նպաստել Հայաստանի արտաքին տնտեսական կապերի զարգացմանն ու, ասենք, դեպի Հայաստան ներդրումների հոսքին։

Մենք պատկերացում չունենք, թե ինչով են զբաղվում արտերկրում սփռված մեր դեսպանատների տնտեսական ատաշեները ու տարբեր տարածաշրջաններում գործող առևտրային ներկայացուցիչները։ Տպավորություն է, որ մեր արտաքին քաղաքականությունը սկսվում և վերջանում է Ղարաբաղյան հակամարտության կարգավորմամբ ու մի քանի երկրների հետ հարաբերություններով։ Մինչդեռ ակնհայտ է, որ այսօր՝ գլոբալիզացիայի դարաշրջանում, ոչ միայն տնտեսական հեղափոխություն, այլև անգամ սովորական տնտեսական զարգացում չի կարող ապահովվել առանց դիվանագիտության կողմից տնտեսությանը ցուցաբերվող աջակցության։

Որպես ԱԺ արտաքին հարաբերությունների հանձնաժողովի անդամ՝ դիմում եմ ՀՀ արտգործնախարարությանը՝ խնդրելով տրամադրել, օրինակ, վերջին մեկ տարվա ընթացքում մեր տնտեսական կցորդների իրականացրած աշխատանքների հաշվետվությունը։

Ժամանակակից աշխարհում տնտեսությունն ու քաղաքականությունը այնքան ու այնպես են փոխկապակցված, որ մեկի զարգացումը հնարավոր չէ առանց մյուսի։ Հայաստանի Հանրապետությունը կարող է և պետք է իրականացնի ակտիվ արտաքին տնտեսական քաղաքականություն, որի դեպքում միայն հնարավոր կլինի խոսել ու մտածել տնտեսական հեղափոխության մասին»։