03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
10.000 երիտասարդ հետախուզման մեջ է, նրանք պետք է հնարավորություն ունենան հայրենիք վերադառնալու. Անդրանիկ Քոչարյան. ՏԵՍԱՆՅՈՒԹ
Հասարակություն
25.02.2019 | 15:51
Այս օրինագիծն ամեն տարի «ռեստարտ» անելով՝ մենք հնարավորություն ենք տալիս, որ շատերը մտածեն, որ կարող են գնալ Հայաստանից, խուսափել պարտադիր զինծառայությունից, հետո օգտվել այս հնարավորությունից: Ազգային ժողովում լրագրողների հետ զրույցում նման կարծիք հայտնեց պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ անդրադառնալով «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքում փոփոխություն կատարելու մասին օրինագծին:
«Որովհետև պետությունը միշտ կուզենա իր հայրենակիցներին հնարավորություն ստեղծել՝ Հայաստան վերադառնալ: Ես էլ եմ այդպես ուզում, բայց ես ուզում եմ այնպիսի իրավիճակ ունենանք մեր անվտանգության համակարգում, որ բանակում չծառայելը լինի անհնար: Ծառայելը պետք է պատվաբեր լինի»,- հավելեց պատգամավորը:
Անդրանիկ Քոչարյանի խոսքով՝ ներկայում 10.000 երիտասարդ պարտադիր զինծառայությունից խուսափելու համար հետախուզման մեջ է, նրանք պետք է հայրենիք վերադառնալու հնարավորություն ունենան:
«Նրանցից շատերն էլ այսօր պետք է գիտակցեն, որ գալ և ծառայություն անցնելը, այնուամենայնիվ, ցանկալի է, և ինչ-որ տեղ անհրաժեշտ է նաև իրենց համար՝ որպես Հայաստանի ապագայով մտածող քաղաքացի»,- ասաց Անդրանիկ Քոչարյանը:
Մանրամասները՝ տեսանյութում:
