03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Սամվել Բաբայանին Արցախի քաղաքացիությունից զրկել են. «Երևանում ինձ ասում են՝ գնա քո Ղարաբաղը, գալիս եմ իմ Ղարաբաղ, ասում են՝ գնա ձեր Երևանը»
Հասարակություն
25.02.2019 | 13:24
Լեռնային Ղարաբաղի պաշտպանության նախկին նախարար, Արցախի հերոս Սամվել Բաբայանին Արցախի քաղաքացիությունից զրկել են։ Այս մասին Factor.am-ին ասաց Սամվել Բաբայանը՝ հավելելով, որ պատրաստվում է դիմում ներկայացնել դատարան՝ իր քաղաքացիությունը վերականգնելու հարցով․
«Ես այսօր եմ իմացել, որ 2005թ-ին, թե 2004թ․-ին ինձ առանց տեղեկացնելու զրկել են Արցախի քաղաքացիությունից։ Օրենքով, Սահմանադրությամբ սահմանված է, որ որևէ մեկը իրավունք չունի քաղաքացիությունից զրկի, բայց ստացվում է, որ ինձ առանց դիմումի, առանց իրազեկելու զրկել են։ Երևանում ինձ ասում են գնա քո Ղարաբաղը, գալիս եմ իմ Ղարաբաղ, ասում են՝ գնա ձեր Երևանը»։
Բաբայանը դեռևս գտնվում է Արցախում, նա չի բացառում, որ նախապես նման քայլի են գնացել 2020 թվականին Արցախի նախագահական ընտրություններում իր մասնակցությունը բացառելու համար․ «Նպատակը էն գլխից դա է եղել, բայց ես չգիտեմ, թե կոնկրետ երբ են դա արել։ Պաշտպանը կպարզի և օրենքի սահմաններում քաղաքացիությունս կվերականգնենք»։
Հիշեցնենք, որ Բաբայանը հայտարարել էր, որ նպատակ ունի մասնակցելու Արցախի նախագահական ընտրություններին։ Նա պատրաստվում է Սահմանադրական փոփոխություններ անցկացնելու համար ստորագրահավաք անցկացնել, որպեսզի մշտական բնակության հետ կապված խնդիրը կարգավորվի։
Լիլիթ Շաբոյան
