13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Մեծ Բրիտանիան մտադիր է երկու ամսով հետաձգել Brexit-ը. Daily Telegraph
Քաղաքականություն
25.02.2019 | 12:26
Մեծ Բրիտանիայի վարչապետ Թերեզա Մեյի կաբինետն ուսումնասիրում է Եվրամիության կազմից թագավորության դուրս գալու ժամկետը երկու ամսով հետաձգելու հնարավորությունը: Այս մասին գրում է ՏԱՍՍ-ը՝ վկայակոչելով The Daily Telegraph-ը:
Կառավարության աշխատակազմը ծրագիր է մշակում, որով Մեյը պաշտոնական խնդրանքով կդիմի Եվրամիությանը, եթե մինչև մարտի 12-ը բրիտանական խորհրդարանը պատրաստ չլինի հավանության արժանացնել Brexit-ի համաձայնագրի նախագիծը:
Պարբերականի տվյալներով՝ նախարարների կաբինետի անդամները կարծում են, որ երկու ամիսը բավարար է՝ իրավիճակը փակուղուց դուրս բերելու համար: Միաժամանակ, The Guardian-ի տվյալներով, ԵՄ-ում նախընտրում են Brexit-ը հետաձգել մինչև 2020 թվականը, երբ կավարտվի Եվրամիության յոթնամյա բյուջետային ժամանակահատվածը:
Brexit-ը հետաձգելու պահանջով Մեյին դիմել են ինչպես նրա կուսակցության անդամները, այնպես էլ ընդդիմության ներկայացուցիչներ:
Նախարարների կաբինետի առնվազն երեք անդամ սպառնում է հրաժարական ներկայացնել, եթե Մեյը չհրաժարվի առանց գործարքի ԵՄ-ից Մեծ Բրիտանիայի դուրս գալու ծրագրից, ինչը, նրանց կարծիքով, թագավորության տնտեսության համար բացասական հետևանքներ կունենա:
