06.06.2026 | 13:56
Նավթի գները նվազել են
Հենրիխ Մխիթարյանը՝ գոլի ու գոլային փոխանցման հեղինակ
24.02.2019 | 20:03
Լոնդոնի «Արսենալի» կիսապաշտպան Հենրիխ Մխիթարյանը գոլի ու գոլային փոխանցման հեղինակ դարձավ «Սաութհեմփթոնի» դեմ անգլիական Պրեմյեր լիգայի 27-րդ տուրի խաղում. գրում է sport.news.am-ը:
Լոնդոնում ընթացող հանդիպման 6-րդ րոպեին Հայաստանի ազգային հավաքականի ավագը գոլային փոխանցում կատարեց ֆրանսիացի հարձակվող Ալեքսանդր Լյակազեթին, իսկ 17-րդ րոպեին հաշիվը դարձրեց 2:0: Ընթանում է առաջին խաղակեսը:
Անգլիայի ընթացիկ առաջնությունում 30-ամյա Մխիթարյանն անցկացնում է 15-րդ հանդիպումը եւ գոլերի քանակը հասցրեց 5-ի՝ կատարելով նաեւ երկրորդ արդյունավետ փոխանցումը:
«Արսենալը» խաղում է հետեւյալ մեկնարկային կազմով. Բերնդ Լենո, Շտեֆան Լիխշտայներ, Սոկրատիս Պապաստատոպուլոս, Շկոդրան Մուստաֆի, Սեադ Կոլաշինաց, Լուկաս Տորեյրա, Գրանիտ Ջակա, Աարոն Ռեմզի, Ալեքս Իվոբի, Հենրիխ Մխիթարյան, Ալեքսանդր Լյակազեթ:
,
