03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Տրամադրությունը բարձրացնող գազ եմ շնչել». Սանկտ Պետերբուրգում ադրբեջանցին BMW X6-ով վրաերթի է ենթարկել հետիոտների. 2 մարդ զոհվել է
24.02.2019 | 17:16
Սանկտ Պետերբուրգում BMW X6-ի վարորդը՝ ազգությամբ ադրբեջանցի Մուրադ Քասիմովը, մեծ արագությամբ քշել է մայթի վրա կանգնած մարդկանց ուղղությամբ: Մահացել է երկու մարդ՝ 40-ամյա մի ամերիկացի ու 39-ամյա մի կին՝ Մոսկվայից: Բացի այդ, երեք մարդու հոսպիտալացրել են. հայտնում է gazeta.ru-ն:
Ներքին գործերի նախարարության փոխանցմամբ՝ 30-ամյա կասկածյալը ոչ սթափ վիճակում մեքենա վարելու պատճառով 2018թ. նոյեմբերին 18 ամսով զրկվել էր վարորդական իրավունքից:
Քասիմովին տարել են դատաբժշկական փորձաքննության ու ուժայիններին պատմել է, որ նախքան ավտովթարը եղել է գիշերային ակումբում:
«Դումսկի փողոցի բարում գազի գնդիկներ եմ շնչել (տրամադրությունը բարձրացնող գազ, որն օգտագործվում է գիշերային ակումբներում, բարերում-խմբ.), այդ պատճառով էլ անջատվել եմ: Ճիշտն ասած, շոկի մեջ եմ»,- ասել է ադրբեջանցին:
Վարորդը ձերբակալվել է: Հարուցվել է քրեական գործ:
