02.07.2026 | 21:15
Ընտրակաշառքից մինչև պետական դավաճանության մեղադրանքներ․ քաղհալածյա՞լ են ընդդիմության դեմքերը․ ՏԵՍԱՆՅՈՒԹ
Նիկոլ Փաշինյանը մասնակցում է «Իմ քայլը հանուն Լոռու մարզի» ներդրումային բիզնես համաժողովին
Տնտեսություն
23.02.2019 | 12:00
Փետրվարի 23-ին Լոռու մարզկենտրոն Վանաձորում անցկացվում է «Իմ քայլը հանուն Լոռու մարզի» ներդրումային-բիզնես ֆորումը, որին մասնակցում են Հայաստանի ու արտերկրի հայ և այլազգի մեծաթիվ գործարարներ ու ներդրողներ:
Ֆորումին ներկա է նաև ՀՀ վարչապետ Նիկոլ Փաշինյանը՝ կառավարության ներկայացուցչական կազմի հետ:
Ֆորումի աշխատանքային խմբի ղեկավարը Լոռու մարզպետ Անդրեյ Ղուկասյանն է:
Բիզնես ֆորումի ընթացքում ներկայացվելու են մարզի առաջնահերթություն համարվող 4 (ՏՏ, գյուղատնտեսություն, տուրիզմ, արդյունաբերություն) ոլորտների զարգացմանն ուղղված գրավիչ ու բազմազան նախագծեր, որոնք կարող են դառնալ շահութաբեր բիզնեսի լավագույն առաջարկներ՝ ներդրողների համար:
Բիզնես ֆորումին զուգահեռ կանցկացվի մարզի կարևորագույն ոլորտների լավագույն ձեռնարկությունների արտադրանքի EXPO ցուցահանդես, որը նոր գործընկերներ ձեռք բերելու, ընդլայնման կամ արտահանման առումով նոր տեսականու ու ծավալների փոխշահավետ հնարավորություններ կառաջարկի:
