18.01.2026 | 18:39
Մակրոնը կոչ է արել ԵՄ-ին պատասխանել ԱՄՆ-ին «առևտրային բազուկայով»
Դաեշից վերջին գյուղի առումը կպահանջի եւս մի քանի օր. Ամերիկայի ձայն
Քաղաքականություն
22.02.2019 | 22:50
Դաեշ ծայրահեղական խմբավորման վերահսկողության տակ մնացած վերջին բնակավայրից՝ Սիրիայի Բաղուզ գյուղից ուրբաթ օրը դուրս էին գալիս բեռնատար ավտոմեքենաներ՝ այստեղից հանելով քաղաքացիական անձանց։
Այս մասին գրում է Ամերիկայի ձայն-ը:
Հայտնի չէ, թե Իրաքի սահմանին գտնվող այս գյուղում քաղաքացիական դեռեւս քանի մարդ է մնացել։ Դաշնակից ուժերի ռազմաօդանավերը նախորդ օրը հարվածներ էին հասցրել գյուղին հարակից տարածքներին, որտեղից արդեն դուրս էր բերվել 2 հազար խաղաղ բնակիչ։
Սիրիայի ժողովրդավարական ուժերի հրամանատարների խոսքերով, ռմբակոծությունները խառնաշփոթ են առաջ բերել ծայրահեղականների շարքերում, ինչի արդյունքում քաղաքացիներին հաջողվել է դիմել փախուստի։ Դաշնակից ուժերի հրամանատարությունը կարծում է, որ Բաղուզում այս պահին կա Դաեշի մի քանի հարյուր զինյալ։ Չի բացառվում նաեւ, որ Դաեշի մեծաթիվ զինյալներ կարող են պատսպարված լինել թունելներում ու գյուղի տակ փորված քարանձավներում։
Մանրամասները՝ սկզբնաղբյուրում:
