Քաղաքականություն
22.02.2019 | 18:33
2020թ․ ԱՄՆ նախագահական ընտրություններում առաջադրված Ներկայացուցիչների պալատի անդամ Թուլսի Գաբարդը խոսել է Հայոց ցեղասպանության ճանաչման մասին։
Դեմոկրատական կուսակցության ներկայացուցիչը Ցեղասպանության հարցին անդրադարձել է ուսանողների հետ հանդիպման ժամանակ։
ԱՄՆ Հայ դատի հանձնախմբի գրասենյակն իր ֆեյսբուքյան էջում տեղադրել է տեսանյութ, որը հատված է այդ հանդիպումից։
Թուլսի Գաբարդը, մոտենալով ուսանողներին, ասում է․ «Ի՞նչ եք ուսումնասիրում․․․ Հայոց ցեղասպանությունը»։ Այնուհետև ավելացնում է․ «Հայոց ցեղասպանության մասին կնշեմ, որ մենք աջակցում ենք օրինագիծը, որն ԱՄՆ կառավարությանը կստիպի պաշտոնապես ընդունել Ցեղասպանությունը։ Այդ ճանաչումը մինչ օրս չի եղել՝ Վաշինգտոնի նկատմամբ Թուրքիայի լոբբիստական ազդեցության պատճառով»։
Նելլի Մելքոնյան
