18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Մենք միշտ էլ թիրախային կրակոցներին ենք պատասխանել. Պն խոսնակը՝ նախագահի խորհրդականի գրառման մասին
Քաղաքականություն
22.02.2019 | 17:09
Արցախից ստացվող տեղեկությունների համաձայն՝ Ադրբեջանը շփման գծի ամբողջ երկայնքով ոչ միայն զարկ է տվել ինժեներական աշխատանքներին, այլև շաբաթական շուրջ 2.000 կրակոց է արձակում հայկական զինված ուժերի ուղղությամբ, իսկ հայկական կողմը, հավատարիմ մնալով խոստմանը, պահպանում է հրադադարը: Այս մասին ֆեյսբուքի իր էջում գրել է ՀՀ նախագահի՝ հասարակական հիմունքերով խորհրդական Թևան Պողոսյանը:
«2018 թ. ամառվա զորակոչից ավելի քան 6 ամիս է անցել: Այժմ ունենք մի իրավիճակ, երբ 6 ամսից ավելի ծառայություն անցած նորակոչիկներին վառոդի հոտն անգամ անծանոթ է, քանի որ չունեն հակառակորդի կրակոցներին պատասխանելու փորձ: Իսկ անփորձությունը միշտ վախ է ծնում: Հուսով եմ՝ մեր բանակում «վախ չափելու» գործիք կա, այլապես հասկանում եք, թե ինչ իրավիճակ կստեղծվի անփորձության հետևանքով»,- գրել է նա։
Թեմայի շուրջ Factor.am-ը մեկնաբանություն խնդրեց ՀՀ պաշտպանության նախարարի մամուլի խոսնակ Արծրուն Հովհաննիսյանից: Մեզ հետ զրույցում նա ասաց, որ սահմանին մշտապես ինժիներական աշխատանքներ են իրականացվում:
«Ինժեներական աշխատանքները մշտական են, և չի կարող լինել այնպես, որ մերոնք գործ չանեն: Իսկ կրակելու առումով, իրենք միշտ էլ ավելի շատ են կրակել։ Մենք միշտ էլ թիրախային կրակոցներին ենք պատասխանել, ու ոչ մի թիրախային կրակոց անպատասխան չի կարող մնալ»,- հավելեց Արծրուն Հովհաննիսյանը:
Նարեկ Կիրակոսյան
