18.01.2026 | 13:25
Վարդենյաց լեռնանցքը փակ է կցորդով բեռնատարների համար
ՀԱՊԿ-ում օպերատիվ կառավարման վակուում չկա, նոր գլխավոր քարտուղարի նշանակման հարցն էլ ընթացքի մեջ է. Կրեմլի խոսնակ
Քաղաքականություն
22.02.2019 | 16:47
ՀԱՊԿ նոր գլխավոր քարտուղարի նշանակման շուրջ տարաձայնությունների պատճառով օպերատիվ ղեկավարման վակուում չկա, իրավիճակը լուծման գործընթացում է: ՌԻԱ Նովոստիի փոխանցմամբ՝ այս մասին լրագրողներին ասել է ՌԴ նախագահի խոսնակ Դմիտրի Պեսկովը:
«ՀԱՊԿ-ում օպերատիվ ղեկավարման վակուում չկա, քանի որ, գիտեք, աշխատում է գլխավոր քարտուղարի ժամանակավոր պաշտոնակատարը: Նա օտար մարդ չէ, կկատարի իր պարտականություններն այնքան ժամանակ, մինչև նոր գլխավոր քարտուղարի հետ կապված իրավիճակը պարզաբանվի»,- ասել է Պեսկովը՝ պատասխանելով ՀԱՊԿ գլխավոր քարտուղարի թեկնածուի համաձայնեցման շուրջ քննարկումների մասին հարցին:
«Իսկապես անդամների (կազմակերպության – խմբ.) միջև որոշակի տարաձայնություններ կան, որոնք ներկայում կարգավորվում են: Այդ գործընթացը շարունակվում է»,- հավելել է նա:
Ավելի վաղ «Կոմերսանտը» գրել էր, որ ՀԱՊԿ-ն առաջիկա մեկ տարվա ընթացքում կարող է առանց գլխավոր քարտուղարի մնալ, քանի որ Հայաստանը չի համաձայնեցրել այդ պաշտոնում Բելառուսի ներկայացուցիչ Ստանիսլավ Զասի նշանակման հարցը:
Իսկ այդ պաշտոնը թափուր է 2018 թվականի նոյեմբերի 2-ից, երբ հայկական կողմի նախաձեռնությամբ Յուրի Խաչատուրովը հետ կանչվեց ՀԱՊԿ գլխավոր քարտուղարի պաշտոնից: Նրան, հիշեցնենք, Մարտի 1-ի գործով սահմանադրական կարգը տապալելու մեղադրանք է առաջադրվել:
