09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ո՛չ հերքում եմ, ո՛չ հաստատում. Արտակ Զեյնալյանը՝ Քոչարյանի հետ հանդիպման մասին. ՏԵՍԱՆՅՈՒԹ
Հասարակություն
22.02.2019 | 13:14
Արդարադատության նախարար Արտակ Զեյնալյանը ո՛չ հաստատում, ո՛չ էլ հերքում է երկրորդ նախագահ Ռոբերտ Քոչարյանի հետ հանդիպման մասին տեղեկությունը: Այս մասին ԱԺ-ում լրագրողների հետ զրույցում ասաց նախարարը՝ պատասխանելով Factor.am-ի հարցին:
Մամուլում, հիշեցնենք, տեղեկություններ կային, որ նախարարը ցանկացել է հանդիպել Ռոբերտ Քոչարյանին, բայց վերջինը մերժել է: «Եթե ես հայտնեմ պատճառները, թե ինչու է մերժել, նշանակում է, որ ես համաձայնություն եմ տալիս Ձեր փաստին, որ ես հանդիպել եմ: Դա հրապարակման ենթակա չէ: Քրեակատարողական հիմնարկները, այդ թվում՝ կալանավայրերը, գտնվում են իմ ենթակայության տակ, և կարող եմ այցելել բոլորին, ծանոթանալ պայմաններին: Իսկ թե ո՞ւմ հետ եմ հանդիպել, ի՞նչ պայմաններում եմ հանդիպել, դա հրապարակման ոչ ենթակա տեղեկատվություն է: Ես ո՛չ հաստատում եմ, ո՛չ հերքում»,- ասաց Արտակ Զեյնալյանը:
Մանրամասները՝ տեսանյութում:
Նարեկ Կիրակոսյան
