02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
ՀԱՊԿ գլխավոր քարտուղարի նշանակումը կձգձգվի մինչև հաջորդ տարվա հունվար՝ Հայաստանի անզիջում դիրքորոշման պատճառով. Коммерсантъ
Քաղաքականություն
22.02.2019 | 12:58
Հավաքական անվտանգության պայմանագրի կազմակերպությունը (ՀԱՊԿ) ևս մեկ տարի կարող է մնալ առանց գլխավոր քարտուղարի: Նոր գլխավոր քարտուղարի նշանակման հարցը ձգձգվում է ՀՀ վարչապետ Նիկոլ Փաշինյանի անզիջում դիրքորոշման պատճառով. գրում է kommersant.ru-ն:
ՀԱՊԿ-ում համակերպվել են այն մտքի հետ, որ կազմակերպությունը մեկ տարի լիարժեք գլխավոր քարտուղար չի ունենա և ՀԱՊԿ ԳՔ-ի պարտականությունները կշարունակի կատարել Ռուսաստանի Դաշնության ներկայացուցիչ Վալերի Սեմերիկովը:
«Մինչ 2020թ. սկիզբը ՀԱՊԿ-ը ղեկավարելու է գլխավոր քարտուղարի ժամանակավոր պաշտոնակատաը: Նոր Գլխավոր քարտուղարի նշանակմանը սպասում ենք հաջորդ տարի, իսկ ՀԱՊԿ-ում որևէ կոլապս կամ աշխատանքի դադարեցում չկա»,- պարբերականի հետ զրույցում ասել է ՌԴ ԱԳՆ-ի աղբյուրը:
Զասի թեկնածությունը ՀԱՊԿ անդամ 6 պետություններից 5-ը՝ բացառությամբ Հայաստանի, հաստատել են: Այդ երկրների նախագահները, այդ թվում և Վլադիմիր Պուտինը, հանդիպել են Զասի հետ ու նրան իրենց աջակցությունը հայտնել:
Զասին չի ընդունել միայն Փաշինյանը: Նշվում է, որ հայկական կողմն ակնկալում էր, որ նախկին գլխավոր քարտուղար Յուրի Խաչատուրովին այդ պաշտոնից հետ կանչելուց հետո, նրան կփոխարինի Հայաստանից մեկ այլ թեկնածու ու կշարունակի պաշտոնավարել մինչ Հայաստանի համար նախանշված ժամկետի ավարտը:
