06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Նախարարության անվանման մեջ չի մնացել ռազմարդյունաբերություն բառը. Հակոբ Արշակյան. ՏԵՍԱՆՅՈՒԹ
22.02.2019 | 12:26
ԱԺ «Իմ քայլը» խմբակցության պատգամավորները տրանսպորտի, կապի և ՏՏ նախարար Հակոբ Արշակյանի հետ հանդիպման ժամանակ հետաքրքրվել են, թե նոր ստեղծվող նախարարությունն ի՞նչ լիազորություններ ու պարտականություններ է ունենալու: Այս մասին լրագրողների հետ զրույցում ասաց նախարարը:
«Ես ներկայացրեցի, թե որոնք են առաջնահերթությունները, ինչ ձեւաչափով պետք է կազմվի նախարարությունը: Ինչպես գիտեք՝ բարձր տեխնոլոգիաների և ռազմաբերության հարցերը կենտրոնացնում ենք»,- նշեց նա:
Նախարարն ասաց, որ «կապի» բաղադրիչը մնալու է նոր ձևավորվող նախարարության մեջ, իսկ «տրանսպորտը» միացվելու է տարածքային կառավարման և ենթակառուցվածքների նախարարությանը. «Նախարարության անվան մեջ չի մնացել ռազմարդյունաբերություն բառը: Անվան հետ կապված փոփոխությունն աշխատանքային բնույթ է կրում: Կարծում ենք, որ այս տեսքով աշխատանքն ավելի դրական ազդեցություն կունենա»:
Մեր հարցին ի պատասխան՝ Հակոբ Արշակյանն ասաց, որ դեռ պարզ չէ, թե նախարարությունների միավորումից հետո նախարարը քանի՞ տեղակալ է ունենալու:
Մանրամասները՝ տեսանյութում:
Նարեկ Կիրակոսյան
