11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԱՄՆ-ն Սիրիայում 200 հոգանոց «խաղաղապահ զորախումբ» կթողնի
Քաղաքականություն
22.02.2019 | 13:23
ԱՄՆ-ն Սիրիայից իր զինվորականների դուրսբերումից հետո արաբական այդ երկրում 200 հոգանոց «խաղաղապահ զորախումբ» կթողնի, լրագրողներին հայտնել է Սպիտակ տան մամլո խոսնակ Սառա Սանդերսը: Այս մասին գրում է «Կոմերսանտը»՝ վկայակոչելով The Hill-ը:
Նա, սակայն, չի հստակեցրել, թե ամերիկյան խաղաղապահները որքան ժամանակ կմնան Սիրիայում:
Վաշինգտոնի այս որոշման մասին հայտարարվել է ԱՄՆ նախագահ Դոնալդ Թրամփի հետ Թուրքիայի նախագահ Ռեջեփ Թայիփ Էրդողանի հեռախոսազրույցից հետո: Նրանք, մասնավորապես, պայմանավորվել են Սիրիայից ամերիկյան զորքերի դուրսբերումն իրականացնել «երկու կողմերի շահերին համապատասխան»:
Թրամփը Սիրիայից ամերիկյան զորքը դուրս բերելու մասին հայտարարել է 2018 թվականի դեկտեմբերին: Ամերիկյան զորքի մի մասը երկրից դուրս կբերվի արդեն մարտի կեսերին:
ԱՄՆ վարչակազմից հայտնել են, որ զորախմբի մի մասը Սիրիայում թողնելու որոշումը կայացվել է նախագահ Թրամփի հասցեին հնչած քննադատություններից հետո՝ կապված հակամարտության գոտուց զորքի դուրսբերման հետ:
«Սա հստակ ուղերձ է մեր դաշնակիցներին և միջազգային կոալիցիայի անդամներին, որ մենք որոշակի իմաստով մնալու ենք այնտեղ»,- նշել են Reuters-ի աղբյուրները:
