08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
Կատալոնիայում բողոքի ակցիայի ընթացքում անկարգություններ և բախումներ են գրանցվել. 53 տուժած կա
Քաղաքականություն
22.02.2019 | 11:58
Կատալոնիայում բողոքի ակցիա է անցկացվել՝ կապված կատալոնացի քաղաքական գործիչների դեմ դատական գործընթացների հետ: Նրանց, հիշեցնենք, մեղադրում են ապստամբության, ապստամբության դրդելու, 2017 թվականի հոկտեմբերին շրջանի անկախության հանրաքվեի նախապատրաստման և անցկացման ժամանակ պետական միջոցները մսխելու համար:
«Ռոսիյսկայա գազետայի» փոխանցմամբ՝ ակցիայի մասնակիցներն ինքնավար մարզում տասնյակ փողոցներ են փակել, մեքենաների անիվներ այրել: Ակցիան վերածվել է զանգվածային անկարգությունների և ոստիկանության հետ բախումների:
Արդյունքում առնվազն 53 մարդ է տուժել, այդ թվում՝ ոստիկանության 16 աշխատակից: 3 ցուցարար ձերբակալվել է:
Կազմակերպիչները հայտարարել են, որ ցույցերը շարունակվելու են կատալոնացի քաղաքական գործիչների դեմ դատական գործընթացի ամբողջ ընթացքում: Բացի այդ՝ ցուցարարները պաշտպանում են 2017 թվականի ակցիաների մասնակիցների իրավունքներն ու Կատալոնիայի անկախությունը պահանջում:
