14.12.2025 | 17:25
Իրավիճակը ճանապարհներին՝ 17։15-ի դրությամբ
Քննչական կոմիտեի նախագահն ընդունել է ԱՄՆ դեսպանության թմրամիջոցների դեմ պայքարի և իրավապահ համագործակցության ծրագրի տնօրենին
Հասարակություն
21.02.2019 | 20:42
Հայաստանի Հանրապետության քննչական կոմիտեի նախագահ Հայկ Գրիգորյանը փետրվարի 21-ին ընդունել է Հայաստանում ԱՄՆ դեսպանության թմրամիջոցների դեմ պայքարի և իրավապահ համագործակցության ծրագրի տնօրեն Մայքլ Շուլմանի գլխավորած պատվիրակությանը:
Ինչպես տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից, ՔԿ նախագահը, ողջունելով հյուրերին, շնորհակալություն է հայտնել 2019 թվականի փետրվարի 4-8-ը Վաշինգտոնում անցկացված «Նոր աշխարհակարգի մարտահրավերները և հնարավորությունները» աշխատաժողովին մասնակցելու հնարավորություն ընձեռելու համար:
ՔԿ նախագահն ընդգծել է, որ նման միջոցառումները լավ հարթակ են փորձի փոխանակման համար:
Հայկ Գրիգորյանը հյուրերին ներկայացրել է աշխատաժողովի թեմաների վերաբերյալ իր նկատառումները և առաջարկությունները՝ հետագայում նման աշխատաժողովներն ավելի արդյունավետ և առարկայական դարձնելու վերաբերյալ:
ՔԿ նախագահ Հայկ Գրիգորյանը ԱՄՆ դեսպանատան հյուրերին ևս մեկ անգամ հայտնել է իր պատրաստակամությունը՝ ԱՄՆ դեսպանատան հետ համագործակցությունը զարգացնելու գործում:
ԱՄՆ դեսպանության թմրամիջոցների դեմ պայքարի և իրավապահ համագործակցության ծրագրի տնօրեն Մայքլ Շուլմանը շնորհակալություն է հայտնել ջերմ ընդունելության համար:
Նա ընդգծել է, որ ԱՄՆ դեսպանատան կողմից Քննչական կոմիտեի հետ հարաբերությունները պետք է շարունակել կառուցել նախկինում ունեցած ձեռքբերումների վրա:
