Տնտեսություն
21.02.2019 | 20:09Քննարկվում է գյուղատնտեսության ոլորտն ապահովագրելու հարցը: Այն այսօր քննարկվել է ԱԺ «Իմ քայլը» խմբակցության պատգամավորների և Կենտրոնական բանկի ֆինանսական կայունության զարգացման վարչության պետ Անդրանիկ Գրիգորյանի հետ:
Factor.am-ի հարցին ի պատասխան Գրիգորյանն ասաց, որ եթե ապահովագրությունը կիրառվի գյուղոլորտում, ապա այն իրականացնելու է մասնավոր կազմակերպությունը: Առայժմ հստակ չէ, թե գյուղացին որքան է ապահովագրավճար տալու ու որքան փոխհատուցում է ստանալու: ԿԲ-ի ներկայացուցիչն ասում է՝ այս հարցը քննարկման փուլում է:
«Մշակվում է ապահովագրական գործիք գյուղատնտեսությունում ներդնելու համար՝ կարկտահարությունից, ցրտահարությունից հետո փոխհատուցում տրամադրելու նպատակով»,- ասաց ԿԲ ներկայացուցիչը:
Մեր դիտարկմանը, թե գյուղոլորտը միշտ համարվել է ռիսկային և պետական մակարդակով հայտարարվել է, որ իրատեսական չէ այն ապահովագրելը, Անդրանիկ Գրիգորյանը պատասխանեց, որ բարդ ապահովագրական գործիք է լինելու. «Ես հույս ունեմ, որ մոտ ապագայում կունենանք ապահովագրության այս տեսակը»:
Մանրամասները՝ տեսանյութում:
Նարեկ Կիրակոսյան
