18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
«Խորհրդարանը հանձնառու է ապահովել զսպումների և հակակշիռների համակարգի հավասարակշռությունը՝ խորհրդարանական վերահսկողության ինստիտուտի դերի բարձրացմամբ». Ռուբեն Ռուբինյան
Քաղաքականություն
21.02.2019 | 17:12
ՀՀ ԱԺ-ից տեղեկացնում են, որ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինանը փետրվարի 21-ին ընդունել է ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջուդիթ Ֆարնուորթին:
Ռուբեն Ռուբինյանը, ողջունելով հյուրին ՀՀ ԱԺ-ում, նշել է, որ խորհրդարանը բարձր է գնահատում երկու երկների միջև առկա հարաբերությունների մակարդակը:
Հանդիպման ընթացքում կողմերը քննարկել են Հայաստանի արտաքին քաղաքականության գերակայությունները, ընդգծել երկու պետությունների միջև արտաքին քաղաքականության հարցերի շուրջ փոխըմբռնումը:
Բանախոսներն անդրադարձել են նաև խորհրդարանական վերահսկողության մեխանիզմների կարևորությանը, քննարկել հանձնաժողովի կարողությունների կատարելագործմանը վերաբերող հարցեր:
Քննարկվել են նաև օրենսդիր և գործադիր մարմինների միջև փոխգործակցությանը վերաբերող հարցեր, ինչի կապակցությամբ Ռուբեն Ռուբինյանը ընդգծել է խորհրդարանի հանձնառությունն ապահովելու զսպումների և հակակշիռների համակարգի հավասարակշռությունը՝ առանձնակի կարևորելով խորհրդարանական վերահսկողության ինստիտուտի դերը:
