11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Բարեկամ-ծանոթներին աշխատանքի տեղավորելու վերաբերյալ վարչապետի տիկնոջ մեկնաբանությունը. ՏԵՍԱՆՅՈՒԹ
Տեսանյութեր
21.02.2019 | 14:32
Վարչապետի տիկին Աննա Հակոբյանն այսօր հերքեց լուրերը, թե ինքը պարբերաբար միջնորդում է վարչապետին՝ իր այս կամ այն ծանոթ-բարեկամին աշխատանքի տեղավորելու հարցում։
Մամուլում հրապարակումներ են եղել նրա վարսավիրին, Ռաֆիկ Մաշադյանի որդուն դատախազ նշանակելու մասին, որտեղ հոլովվել է նաև Աննա Հակոբյանի անունը․ «Իմ սպառիչ պատասխանը «ոչ» է, բայց ես կշարունակեմ պատասխանել սեփական անձնական օրինակով։ Երբ ես լրագրող ու գլխավոր խմբագիր եմ եղել, երբ գրել եմ խմբագրականներ, դրանից հետո՝ նյութեր, ռեպորտաժներ, առավել ևս՝ լուրջ քննադատություն ունեցող խմբագրականներ, ես միայն մի բանից եմ վախեցել միշտ, որպեսզի չգրեմ ինչ-որ բան, որը կկարդան օրինակ՝ Բաղրամյան 26-ի կաբինետներում, միջանցքներում և կծիծաղեն ինձ վրա»։
Վարչապետի տիկինն է՛լ ավելի բացեց փակագծերը, շեշտելով, որ լրագրողական իր գործունեության ընթացքում դա եղել է իր վախը: «Եթե ես քննադատելիս եմ եղել և ինչ-որ պնդում եմ արել, ոչ թե 100%․․․ այլ գոնե իմ խղճի առաջ և իմ գիտակցության մեջ մինչև վերջին կաթիլը ճշտած եմ եղել բոլոր այն հիմքերը, որոնք ինձ թույլ են տալիս նման պնդում անել, իշխանության հասցեին քննադատական որևէ խոսք ասել։ Ինձ համար վախենալու չեն եղել հնարավոր հայհոյանքները թերթի հասցեին, այլ այն, որ միշտ մտածել եմ, որ իմ որևէ բառ հիմք չտա պետության ղեկավարին կամ նրա քարտուղարուհուն, որոնք տեղյակ են իմ գրածից, ուղղակի ծիծաղեն իմ գրածի վրա»,- ասաց Աննա Հակոբյանը։
Մանրամասները՝ տեսանյութում:
Ռոբերտ Անանյան
