11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Քոչարյանների ընտանիքի հետ որևէ անձնական խնդիր չունեմ. ԱԱԾ տնօրեն. ՏԵՍԱՆՅՈՒԹ
Հասարակություն
21.02.2019 | 14:28
«Ես Քոչարյանների ընտանիքի հետ որևէ անձնական խնդիր չունեմ: Այդ ընտանիքը որևէ բան անձամբ ինձ չի արել: Ռոբերտ Քոչարյանը ՀՀ երկրորդ նախագահն է եղել, իր գործունեության ընթացքում շատ դրական գործեր, ներդրում է ունեցել, եղել է Արցախի Հանրապետության առաջին նախագահը, և ես՝ որպես Ազգային անվտանգությունում ծառայող սպա, որն աշխատել է նաև այդ տարիներին, չեմ կարող որևէ անձնական հարցով խնդիրներ ունենալ այդ ընտանիքի հետ»,- այս մասին այսօր կառավարության նիստից հետո լրագրողների հետ ճեպազրույցում հայտարարեց ԱԱԾ տնօրեն Արթուր Վանեցյանը:
Անդրադառնալով Սեդրակ Քոչարյանի հայտարարությանը, թե իրեն առաջադրված մեղադրանքը իր և իր ընտանիքի նկատմամբ քրեական հետապնդման շարունակությունն է, Վանեցյանը նշեց, որ այդ ամենը քննչական աշխատանքի արդյունք է, որի հիման վրա ի հայտ են եկել հանգամանքներ, որից պարզ է դարձել, որ կա հանցակազմ, և հարուցվել է քրեական գործ։
Մանրամասները՝ տեսանյութում։
Լիլիթ Շաբոյան
