Աննա Հակոբյանը՝ Շվեյցարիայում շքեղ հանգստի և հարկատուների հետ հանդիպման մասին. ՏԵՍԱՆՅՈՒԹ

Այսօր հրավիրված ասուլիսում լրագրողներից մեկը հարց ուղղեց վարչապետի տիկին Աննա Հակոբյանին՝ արդյոք վերջերս նա ունեցե՞լ է շքեղ հանգիստ Շվեյցարիայում, ինչին ի պատասխան տիկին Հակոբյանը նշեց․ «Շվեյցարիայում․․․ եթե նկատի ունեք Դավոս գնալու պատմությունը, և դրա հետ կապված լեգենդները, իրականությունը հետևյալն է եղել՝ ես եղել եմ Դավոսում, ես ունեցել եմ պաշտոնական հրավեր Դավոսի համաշխարհային տնտեսական ֆորումի կազմակերպիչների կողմից՝ ֆորումի շրջանակներում ուղեկցել իմ ամուսնուն։ Ինչ-ինչ անձնական պատճառներից ելնելով չեմ մասնակցել ֆորումին։ Իսկ ծախսերի մասին ուղղակի ավելորդ է խոսելը, չեմ ուզում նույնիսկ արձագանքել»։

Աննա Հակոբյանը հավաստի համարեց տեղեկությունը, որ նա հանդիպում է ունեցել խոշոր հարկատուների հետ, ու նաև տեղեկացրեց, որ այդ հանդիպումները կլինեն պարբերական․ «Հանդիպման նպատակը եղել է «Իմ քայլը» հիմնադրամի գործունեությունն ու առանձին ծրագրերը ներկայացնելը։ Ես նաև կոնկրետ առաջարկ եմ արել՝ ձևավորել Հայաստանի դասական երաժշտության բարեկամների խումբ, որպեսզի այդ գումարը կարողանանք ձևավորել։ Դա եղել է համագործակցության առաջարկություն։ Կարևոր եմ համարում այդպիսի հանդիպումները, որովհետև բոլոր խոշոր կազմակերպությունները, ինչքանով որ գիտեմ, ունենում են ռազմավարություն՝ տարվա մեջ նվիրատվություն անել որևէ հիմնադրամի։ Ինձ համար կարևոր է, որ այդ կազմակերպություններն առաջին ձեռքից ինֆորմացիա ունենան մեր հիմնադրամի գործունեության մասին և իրենց տարվա բյուջեն ձևավորելիս, եթե ունեն իքս չափի գումար հիմնադրամի փոխանցելու համար, իմաման, թե մենք ինչով ենք զբաղվում, և այդ գումարը կնվիրաբերեն «Իմ քայլը» հիմնադրամին, ոչ թե՝ այլ հիմնադրամի»,- հիմնադրամի հոգաբարձուների խորհրդի նախագահը։

Մանրամասները՝ տեսանյութում:

Ռոբերտ Անանյան