19.05.2024 | 20:08
Իրանի նախագահին ուղեկցող թղթակիցը մանրամասներ է հայտնել
Հայաստանն ու Վրաստանը 2019թ. ռազմական համագործակցության ծրագիրն են ստորագրել. ՏԵՍԱՆՅՈՒԹ
Քաղաքականություն
21.02.2019 | 13:55
Հայաստանի և Վրաստանի պաշտպանության նախարարներ Դավիթ Տոնոյանն ու Լևան Իզորիան 2019 թվականի ռազմական համագործակցության ծրագիրն են ստորագրել: Փետրվարի 21-ին տեղի ունեցած համատեղ ճեպազրույցում Դավիթ Տոնոյանը տեղեկացրեց, որ Երևանում գտնվող վրաց գործընկերոջ հետ պաշտպանական ոլորտում երկկողմ հարաբերություններին, միջազգային և տարածաշրջանային անվտանգությանը վերաբերող հարցեր են քննարկել:
«Հանդիպման արդյունքներով ստորագրեցինք Հայաստանի և Վրաստանի միջև 2019թ. ռազմական համագործակցության ծրագիրը, որը, ի դեպ, ստորագրվում է 2010թ. սկսած: Այս տարվա համագործակցության ծրագիրը հագեցած է պաշտպանության բնագավառի միջոցառումներով՝ ընդգրկելով տարատեսակ ոլորտներ, ինչպիսին են ռազմական կրթությունը, ռազմական բժշկություն, արհեստավարժ սերժանտական համակարգի զարգացումը, մարդու իրավունքները, կոռուպցիայի դեմ պայքարի տարատեսակ միջոցառումներ»,- ասաց Դավիթ Տոնոյանը:
Պաշտպանության նախարարի հավաստմամբ՝ Հայաստանը և Վրաստանը փոխադարձաբար ընկալում և հարգում են միմյանց նախապատվություններն ու ազգային անվտանգության ապահովմանն ուղղված լուծումները և հավատում ապագայում ավելի անվտանգ ու բարեկեցիկ Հարավային Կովկաս ունենալու գաղափարին:
Մանրամասները՝ տեսանյութում:
