03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
ԱՄՆ դեմոկրատները պատրաստվում են խոչընդոտել երկրում արտակարգ դրություն հայտարարելու՝ Թրամփի որոշմանը
Քաղաքականություն
21.02.2019 | 12:00
ԱՄՆ Ներկայացուցիչների պալատի դեմոկրատ անդամները պատրաստվում են ուրբաթ բանաձև ներկայացնել՝ խոչընդոտելու նախագահ Դոնալդ Թրամփի՝ սահմանային անվտանգության համար երկրում արտակարգ դրություն սահմանելու որոշմանը:
Այս մասին Reuters-ին հայտնել են Հոակին Կաստրոյի օգնականները:
Կաստրոյին արդեն 92 օրենսդիր է միացել՝ աջակցելով օրենքի նախագծին, որը, ընդունված կարգի համաձայն, մի քանի շաբաթվա ընթացքում կարող է քննարկման փուլ անցնել: Հիշեցնենք, որ նախորդ շաբաթ նախագահ Թրամփը երկրում արտակարգ դրություն էր հայտարարել՝ Կոնգրեսից Մեքսիկայի հետ սահմանին պատ կառուցելու և այլ նախագծերի համար գումար ստանալու նպատակով:
Նշենք, որ Կոնգրեսը հրաժարվել է սահմանային պատի կառուցման համար 5.7 մլրդ դոլար հատկացնել: Արդյունքում Դոնալդ Թրամփը մասնակի դադարեցրել է Կառավարության գործունեությունը:
Նելլի Մելքոնյան
