02.07.2026 | 23:29
Կալանավորվել է գնդապետ Էդիկ Մալոյանը
Հայկական համագումարը շնորհակալություն է հայտնում Կոնգրեսի հայկական հարցերով հանձնախմբին միացող նոր անդամներին
Քաղաքականություն
21.02.2019 | 10:11
Ամերիկայի հայկական համագումարը հաղորդագրություն է տարածել, որով տեղեկացնում է, որ մի շարք հանդիպումներ է ունցել Կոնգրեսում: Հաղորդագրությունում մասնավորապես ասվում է.
Ամերիկայի հայկական համագումարի համանախագահ Էնթոնի Բարսամյանը, գործադիր տնօրեն Բրայան Արդունին և զանգվածային քարոզչության ու զարգացման հարցերով պատասխանատու Մարիամ Խալոյանը բազմաթիվ հանդիպումներ են ունեցել նոր գործող Կոնգրեսում, քննարկելով մտահոգող առանցքային հարցեր, ինչպիսիք են՝ Հայաստանի ժողովրդավարական բարեփոխումներին աջակցող առատ աջակցությունը, առաջնահերթություն տալով Հայոց ցեղասպանությունը վերահաստատող կոնգրեսական բանաձևի ընդունումը և շատ այլ հարցեր:
Ի հավելումն Համագումարը հորդորել է կոնգրեսականներին միանալ Կոնգրեսի հայկական հարցերով հանձնախմբին, որի թիվը դարձել է 108. Հանձնախմբում Համագումարը ողջունում է կոնգրեսական Էնթոնի Բրինդիսիին (Դեմոկրատ, Նյու Յորք), կոնգրեսական ՏՋ Քոքսին (Դեմոկրատ, Կալիֆորնիա), կոնգրեսական Ջեյսոն Քրոուին (Դեմոկրատ, Կոլորադո), կոնգրեսական Դեյվ Ջոյսին (Հանրապետական, Օհայո), կոնգրեսական Էնդի Լեվինին (Դեմոկրատ, Միշիգան) և կոնգրեսական Խուան Վարգասին (Դեմոկրատ, Կալիֆորնիա):
«Որպես հպարտ ամերիկահայ, ոգևորված եմ միանալ Կոնգրեսի հայկական հարցերով հանձնախմբին: Մենք պետք է հիշենք Հայոց ցեղասպանության դասերը և երաշխավորենք, որ այս դաժանությունները էլ երբեք չպատահեն: Ես անհամբեր սպասում եմ աշխատել և՛հանրապետական, և՛ դեմոկրատ իմ գործընկերների հետ, որպեսզի ներկայացնենք մեր ամերիկահայ համայնքները և ամրապնդենք ԱՄՆ-Հայաստան հարաբերությունները».- հայտարարել է կոնգրեսական Բրինդիսին՝ հայկական ծագում ունեցող նորանշանակ կոնգրեսականը:
«Հպարտ եմ միանալ իմ գործընկերներին Կոնգրեսի հայկական հարցերով հանձնախմբում»,- ասել է կոնգրեսական Դեյվ Ջոյսը (Հանրապետական, Օհայո):
