02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Թուրքիայում, Բալկանյան խաղերի ավարտից հետո, Հայաստանի աթլետները մասնակցեցին «Ստամբուլի գավաթ» անվանումով միջազգային մրցաշարին
20.02.2019 | 22:30
Թուրքիայում, Բալկանյան խաղերի ավարտից հետո, Հայաստանի աթլետները մասնակցեցին «Ստամբուլի գավաթ» անվանումով միջազգային մրցաշարին:
Ինչպես տեղեկանում ենք ՀԱՕԿ կայքից, հեռացատկի հատվածում իրեն վստահ դրսևորեց երևանցի Արտակ Համբարձումյանը: Նա 7մ 25 սմ արդյունքով ճանաչվեց երրորդը և իր տեղը զբաղեցրեց պատվո պատվանդանի վրա:
Միջին տարածությունների վազքում կայուն մրցելույթներով հաճելիորեն զարմացնում է Երվանդ Մկրտչյանը: Ինչպես հայտնի է, նա երրորդն էր Բալկանյան խաղերի 1500մ վազքում: Եվ ահա գոհացնող նոր արդյունք, որը գրանցվեց գավաթային մրցաշարում: Գյումրեցին հանդես եկավ 3000մ տարածությունում, ցույց տվեց 7րոպ. 59, 80 վրկ. արդյունք, սահմանեց անձնական ռեկորդ և գրավեց պատվավոր չորրորդ տեղը:
Մեր աթլետները տեղում շարունակում են մարզումները և Երևան կվերադառնան փետրվարի 22 – ին
