30.05.2026 | 16:48
Հանրապետության տոնի առթիվ ՀՀ հակակոռուպցիոն կոմիտեի նախագահի հրամանով մի շարք ծառայողներ են պարգևատրվել
ՔՊ-ի էլիտան հաշվետվություն է ներկայացնում պատգամավորներին. հերթում Սուրեն Պապիկյանն է
Քաղաքականություն
20.02.2019 | 19:13
Ազգային ժողովի «Իմ քայլը» խմբակցության հետ հանդիպելու պատրաստակամություն է հայտնել նաև Տարածքային կառավարման և զարգացման նախարար Սուրեն Պապիկյանը: Factor.am-ի այս տեղեկությունը, մեր հարցին ի պատասխան, հաստատեց նաև «Իմ քայլը» խմբակցության ղեկավար Լիլիթ Մակունցը:
Նա նշեց, որ առայժմ պարզ չէ, թե երբ է տեղի ունենալու նախարարի և իրենց խմբակցության պատգամավորների հանդիպումը: Մեր տեղեկություններով՝ հանդիպումը նախատեսված է մյուս շաբաթ: Իսկ մինչ այդ, նշենք, որ այսօր խմբակցությունը հանդիպել էր առողջապահության նախարար Արսեն Թորոսյանի հետ:
Լրագրողների հետ ճեպազրույցի ժամանակ էլ Լիլիթ Մակունցը տեղեկացրել էր, որ հանդիպելու են նաև ոստիկանապետ Վալերի Օսիպյանի, ԿԳ նախարար Արայիկ Հարությունյանի և տրանսպորտի, կապի և ՏՏ նախարար Հակոբ Արշակյանի հետ: Ավելի վաղ էլ խմբակցությունը աշխատանքային փակ հանդիպումներ է ունեցել վարչապետ Նիկոլ Փաշինյանի, ֆինանսների նախարար Ատոմ Ջանջուղազյանի և ՊԵԿ նախագահ Դավիթ Անանյանի հետ։
Նարեկ Կիրակոսյան
