09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռազմական ոստիկանության պետի վերաբերյալ ՀՔԾ-ում գործ է քննվում
20.02.2019 | 19:00
Factor.am-ի տեղեկություններով՝ Հատուկ քննչական ծառայությունում քննվում է քրեական գործ՝ Ռազմական ոստիկանության պետ Արթուր Բաղդասարյանի վերաբերյալ: Թե ինչ քրեական գործի մասին է խոսքը, մեզ դեռևս չի հաջողվել պարզել:
Factor.am-ը Հատուկ քննչական ծառայության մամուլի խոսնակ Մարինա Օհանջանյանից փորձեց մանրամասներ ճշտել, ՀՔԾ խոսնակը, սակայն, ասաց՝ մեր հարցերի վերաբերյալ որևէ մեկնաբանություն չեն կարող տալ:
Մեզ նաև հայտնի է, որ Արթուր Բաղդասարյանը հարցաքննվել է, բայց թե ինչ կարգավիճակով՝ սա ևս ՀՔԾ-ից չմեկնաբանեցին:
Քրեական գործի հետ կապված մեկնաբանություն չտվեցին նաև Գլխավոր դատախազությունից:
Հիշեցնենք, որ Factor.am-ը մի քանի անգամ տարբեր հրապարակումներով անդրադարձել է կառույցի աշխատակիցների կողմից Ռազմական ոստիկանության պետին վերագրվող չարաշահումներին, բայց մեր հրապարակումների հիման վրա իրավապահներն այդպես էլ քրեական գործ հարուցելու հիմքեր չտեսան:
Շողիկ Գալստյան
