02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Արսեն Թորոսյանը՝ 2018 թվականի «Կառավարության բարեփոխիչ» մրցանակակիր. ՏԵՍԱՆՅՈՒԹ
Տեսանյութեր
20.02.2019 | 17:06
Այսօր Մատենադարանում տեղի ունեցած «Համընդհանուր իրավունքներ 2018» մրցանակաբաշխության ընթացքում առողջապահության նախարար Արսեն Թորոսյանն արժանացավ «Կառավարության բարեփոխիչ» մրցանակի՝ առողջապահության ոլորտում կոռուպցիայի դեմ պայքարի և ողջամիտ բարեփոխումների իրականացման, առողջապահական ծառայությունները Հայաստանի բոլոր քաղաքացիներին ավելի հասանելի դարձնելու համար:
«Կառավարության բարեփոխիչ» մրցանակն արժևորում է այն պետական ծառայողին, որն ինստիտուցիոնալ բարեփոխումներ է իրականացրել մարդու իրավունքների և ներառականության խթանման ուղղությամբ:
«Մենք խնդիր ունենք երկար տարիների կորսվածը շատ կարճ ժամանակում հետ բերելու: Չպետք է ջանք խնայենք, որպեսզի առողջ մնալու իրավունքն օր օրի ավելի լավ ապահովենք»,- ընդգծեց նախարարը։
Նշենք, որ Համընդհանուր իրավունքների մրցանակաբաշխությունն առաջին անգամ Հայաստանում միջազգային համայնքի կողմից կազմակերպվել է 2012 թվականին՝ ի մեծարումն այն անհատների և կազմակերպությունների, որոնք իրենց ամենօրյա գործունեությամբ ձգտում են գերազանցության, մարդու իրավունքների խթանման, ներառականության և բարեփոխումների՝ այդ գործընթացում հաճախ անտեսելով սեփական շահն ու անգամ վտանգելով իրենց կյանքը։
2018 թվականին Համընդհանուր իրավունքների մրցանակները տրամադրվեցին 9 անվանակարգերում։
Մանրամասները՝ տեսանյութում:
Նելլի Մելքոնյան
