14.12.2025 | 18:20
Թաիլանդն ու Կամբոջան շարունակում են ռազմական գործողությունները
«Տասը հիվանդանոց համաձայնել է անվճար վիրահատություններ կատարել». Արսեն Թորոսյան. ՏԵՍԱՆՅՈՒԹ
Տնտեսություն
20.02.2019 | 16:44
«Համընդհանուր իրավունքներ» 2018 թ․ մրցանակաբաշխությանը ներկա առողջապահության նախարար Արսեն Թորոսյանը լրագրողների հետ զրույցում անդրադարձավ ոլորտում տարվող աշխատանքներին։
«Առողջապահությունն ամենագլխավոր ոլորտներից է, որին կառավարությունը և պետությունը պետք է ուշադրություն դարձնեն, որովհետև այն ուղղակիորեն ազդում է քաղաքացիների կյանքի որակի վրա»,- նշեց նախարարը։
Նրա խոսքով՝ կոռուպցիայի դեմ պայքարը նախարարության հիմնական գործառույթը չէ, այդուհանդերձ, նոր կոռուպցիոն ռիսկեր հայտնաբերելու դեպքում՝ անպայման ընթացք են տալու։
Խոսելով քաղցկեղով տառապող քաղաքացիների անվճար վիրահատություններից, Արսեն Թորոսյանը նշեց, որ շուտով 50 մլն դրամ կհատկացվի՝ քաղցկեղով հիվանդ երեխաների բուժման համար։
«Տասը հիվանդանոց չի հրաժարվել և համաձայնել է անվճար վիրահատություններ կատարել։ Բազմաթիվ ծրագրեր կան, և շատ հիվանդանոցներ չեն կարողանում ծրագրերը կատարել՝ ծանրաբեռնվածության կամ ֆինանսական պատճառներով։ Այնուամենայնիվ, մեր կողմից առաջարկված գները շուկայականին շատ մոտ են և պետք է ամբողջությամբ ծածկեն բոլոր այն ծախսերը, որոնք անհրաժեշտ են հիվանդների բուժման համար»,- ընդգծեց նախարարը։
Մանրամասները՝ տեսանյութում:
Նելլի Մելքոնյան
