02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
Մոտ 1 միլիարդ դրամով իջել է «Գրիգոր Լուսավորիչ» ԲԿ-ի պետպատվերը. Արսեն Թորոսյան. ՏԵՍԱՆՅՈՒԹ
Տնտեսություն
20.02.2019 | 15:08
Ազգային ժողովում քիչ առաջ ավարտվեց «Իմ քայլը» խմբակցության պատգամավորների և առողջապահության նախարար Արսեն Թորոսյանի հանդիպումը:
Լրագրողների հետ զրույցում նախարարն ասաց, որ հանդիպումը տեղի է ունեցել իր նախաձեռնությամբ: Անդրադառնալով հարցին, թե ինչո՞ւ է նախկինում իր կողմից ղեկավարվող «ՄԻԲՍ» բժշկական կենտրոնին հատկացվել 57 մլն 37 հազար դրամ պետպատվեր, երբ նախորդ տարի հատկացվել էր այս գումարի ուղիղ կեսը, Թորոսյանը պատասխանեց, որ ինքն այս ԲԿ-ի հետ որևէ կապ չունի և չի հանդիսանում սեփականատեր, պարզապես նախկինում եղել է այս ԲԿ-ի տնօրենը: Նա, միաժամանակ, չհերքեց, որ բուժկենտրոնի տնօրենն այժմ իր կինն է:
«Այս տարի եղել է պետպատվերի 10 միլիարդ դրամի աճ, և բոլոր հիմնարկները ստացել են շատ գումար: Երևանում միայն մի քանի ԲԿ է քիչ գումար ստացել, բայց այն սկզբունքով, թե անցյալ տարի որքան աշխատանք են կատարել»,- ասաց առողջապահության նախարարը:
Արսեն Թորոսյանը չբացառեց, որ տարվա ընթացքում որոշ ԲԿ-ների պետպատվերը կարող է աճել, մասնավորապես՝ «Էրեբունի», «Արաբկիր», «Աստղիկ» և «Արմենիա» բժշկական կենտրոնների: Նրա փոխանցմամբ՝ պետպատվերի իջեցում եղել է «Սուրբ Գրիգոր Լուսավորիչ» հիվանդանոցում. ««Սուրբ Գրիգոր Լուսավորիչ» հիվանդանոցի պետպատվերը հատուկ չի իջեցվել, այն հատուկ բարձրացվել էր նախորդ տարիներին: Կատարողականը քիչ է եղել, մեկ միլիարդ դրամ քիչ են ծախսել, որովհետև… Մոտ 1 միլիարդ դրամով իջել է պետպատվերը»:
Մանրամասները՝ տեսանյութում:
Նարեկ Կիրակոսյան
