03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Խայտառակ, հակասանիտարական վիճակ է». նախարարը դժգոհ է «Կիլիկիա» ավտոկայարանի պայմաններից
20.02.2019 | 13:07
Այսօր «Կիլիկիա» ավտոկայարան այցելած տրանսպորտի, կապի և տեղեկատվական տեխնոլոգիաների նախարարը դժգոհ է կայարանի պայմաններից: Հակոբ Արշակյանն արձանագրել է, որ զուգարաններում հակասանիտարական վիճակ է, սպասասրահում՝ ցուրտ:
«Խայտառակ վիճակ է, հակասանիտարական: Միանգամից զգացվում է, որ տասնյակ տարիների ընթացքում ոչ մի աշխատանք չի արվել: Ուղղակի անհնար է որևէ կերպ օգտվել այս զուգարաններից: Ուզում եմ հավաստիացնել, որ մենք գործուն ջանքեր ենք թափելու, որպեսզի այստեղ նորմալ վիճակ ստեղծվի՝ մարդկանց օգտվելու համար»,- ֆեյսբուքյան ուղիղ եթերով ցուցադրելով ավտոկայարանի վիճակը՝ խոստացել է նախարարը:
Հակոբ Արշակյանը նախատեսում է նաև քայլեր ձեռնարկել, որպեսզի կայարանում նորմալ ջեռուցվող սպասասրահ լինի, քաղաքացիների համար նորմալ սպասելու հարմար վայր, տոմսերի գնման, վարորդների սպասարկման համակարգ:
«Այստեղ նաև բազմաթիվ հնարավորություններ կան. ընկերություններ են գործում, բազմաթիվ սենյակներ կան, որոնք վարձակալության կարելի է տալ, և ճիշտ ղեկավարման արդյունքում հնարավոր է, որ մենք կարողանանք այստեղ ապահովել արժանապատիվ, նորմալ իրավիճակ, որպեսզի մեր քաղաքացիները կարողանան օգտվել քաղաքակիրթ փոխադրվելու իրենց իրավունքից»,- նշել է տրանսպորտի նախարարը:
