12.07.2026 | 22:27
Բասկետբոլի Հայաստանի Մ16 հավաքականը` Երևանում անցկացված Եվրոպայի C դիվիզիոնի առաջնության ոսկե մեդալակիր
«Բոլորն էլ գալու են». «Իմ քայլը» խմբակցությունն Արսեն Թորոսյանին հրավիրում է ԱԺ՝ հարցեր տալու
Քաղաքականություն
19.02.2019 | 22:00
Վաղը տեղի է ունենալու Ազգային ժողովի «Իմ քայլը» խմբակցության պատգամավորների եւ առողջապահության նախարար Արսեն Թորոսյանի հանդիպումը:
Factor.am-ին փոխանցված տեղեկությունը մեզ հետ զրույցում հաստատեց նաեւ «Իմ քայլը» խմբակցության պատգամավոր Լուսինե Բադալյանը:
Factor.am-ի հարցին, թե ի՞նչ է քննարկվելու նախարարի հետ, Լուսինե Բադալյանը պատասխանեց, որ պատգամավորները ուղղելու են իրենց հուզող հարցերը:
«Աշխատանքային հանդիպում է լինելու, ով ինչ հարց ունի՝բարձրաձայնելու է»: Լուսինե Բադալյանը Factor.am-ի հետ զրույցում նշեց, որ նախատեսում են բոլոր նախարարների հետ էլ պարբերաբար հանդիպել:
«Նպատակն այն է, որ հետագայում համագործակցություններն ավելի արդյունավետ լինեն: Այնպես չի, որ բոլոր ոլորտների նկատմամբ ամեն ինչ հավանում ենք, որոշ խնդիրներ մենք ենք տեսնում, որոշ խնդիրներ քաղաքացիներն են մեզ փոխանցում: Բոլորն էլ պետք է գան, բայց թե ով, երբ՝չեմ կարող ասել»:
Factor.am-ն ավելի վաղ տեղեկացրել էր, որ «Իմ քայլը» խմբակցությունը ֆինանսների նախարարի եւ ՊԵԿ նախագահի հետ աշխատանքային հանդիպման շրջանակներում քննարկել էր պարգեւավճարների հարցը: Խմբակցությունն Աժ-ում աշխատանքային հանդիպումներ էր ունեցել նաեւ ՀՀ վարչապետի հետ:
Նարեկ Կիրակոսյան
