Քաղաքականություն
19.02.2019 | 21:15
Արարատի մարզպետ Գարիկ Սարգսյանն այսօր ընդունել է Արարատի մարզի Ուրցաձոր խոշորացած համայնքի նորընտիր ղեկավար Ռաֆիկ Անդրեասյանին, Արևաբույր համայնքի նորընտիր ղեկավար Ջիվան Մանուկյանին և Վարդաշեն համայնքի նորընտիր ղեկավար Գևորգ Բարխոյանին։
Այս մասին հայտնում են Արարատի մարզպետարանից:
«Մարզպետ Սարգսյանը նախ շնորհավորել է ընտրված համայնքապետերին՝ մաղթելով բեղուն աշխատանք։ Նա շեշտել է՝ հաշվի են նստում համայնքի բնակիչների ընտրության հետ։
«Վիճարկելու որևէ պատճառ չունենք։ Մենք արձանագրում ենք, մենք հաշվի ենք նստում, ժողովրդի կամքն է սա, մենք այսօրվա համար ենք պայքարել, որ լինեն հավասար պայմաններ թեկնածուների համար, և համայնքը ընտրություն կատարի։
Ընտրված համայնքապետերն իրենց հերթին շեշտել են, որ ընտրություններն անցել են պատշաճ մակարդակով, իրենք էլ իրենց որդեգրած ռազմավարությունը կշարունակեն»,-ասված է տարածված հաղորդագրության մեջ։
