15.01.2025 | 20:13
Գերմանիայի Բունդեսթագի նախկին պատգամավորները Բաքվից կաշառ ստանալու մեղադրանքով դատարանի առաջ կկանգնեն
Գիտեք ում ընկերն եմ ու ինչի համար է թատրոնը. Բարսեղ Բեգլարյանը չասաց` երբ է հանդիպել Սերժ Սարգսյանին. ՏԵՍԱՆՅՈՒԹ
Հասարակություն
19.02.2019 | 18:16
Երևանի ընդհանուր իրավասության դատարանի Ավանի նստավայրում այսօր հետաձգվեց «Ֆլեշ» ՍՊԸ-ի սեփականատեր Բարսեղ Բեգլարյանի գործով դատական նիստը: Նիստի ավարտից հետո Բեգլարյանը մոտեցավ մեղադրող Աբգար Առաքելյանին՝ ասելով, թե կանխակալ վերաբերմունք ունի և, միևնույն է, իր նկատմամբ համաներում է կիրառվելու:
Դրանից հետո պատասխանելով հարցին, թե ի՞նչ կանխակալ վերաբերմունքի մասին էր խոսում, Բարսեղ Բեգլարյանն ասաց. «Չգիտեմ: Ո՞վ չգիտի, որ սա շինծու գործ է քննչական կոմիտեի և դատախազության կողմից»: Լրագրողների հարցին՝ իր դեմ ի՞նչ ունեն, նա պատասխանեց. «Դուք լավ գիտեք՝ ինչ ունեն: Փակագծերի տակ գիտեք՝ Բարսեղ Բեգլարյանը ով ա, ում բարեկամն ա և ում ընկերն ա»:
Հարցին՝ վերջին անգամ ե՞րբ է հանդիպել նախկին նախագահ Սերժ Սարգսյանին, Բեգլարյանն արձագանքեց, որ պատասխանելը գումար արժի. «Դա գումար արժի, վճարեք՝ ասեմ: Ես բիզնես մոտեցումով եմ մոտենում: Ասեցի՝ թատրոն ա: Սցենարիստը հայտնի ա, դուք ինձնից լավ գիտեք»:
Հիշեցնենք, որ Բարսեղ Բեգլարյանին մեղադրանք է առաջադրվել այն բանի համար, որ նա 2016 թվականի մարտ-ապրիլի ընթացքում Արման Մկրտումյանի նկատմամբ բռնություն գործադրելով, ինչպես նաև կյանքի և առողջության համար վտանգավոր բռնություն գործադրելու սպառնալիքներով կատարել է ինքնիրավչություն՝ վերջինի օրինական շահերին պատճառելով էական վնաս:
Փաստական տվյալների համաձայն՝ Ն. Բեգլարյանին պատկանող «Ֆլեշ Մոտորս» ՍՊ ընկերությունից 2015 թվականի ընթացքում իրականացվել է առանձնապես խոշոր չափերի գույքի հափշտակություն, որի կատարման մեջ ընկերության սեփականատերն ու հարազատները մեղադրել են «Ֆլեշ Մոտորս» ՍՊ ընկերության նախկին կոմերցիոն տնօրենին և պահանջել վերականգնել ենթադրաբար պատճառված գույքային վնասը։
Լիլիթ Շաբոյան
