30.06.2026 | 17:00
Թուրքիայի հետ F35-ի գործարքը կախված է ռուսական C-400-ները երրորդ երկրին վաճառելու որոշումից․ Euractiv
Արցախի և Հարավային Օսիայի ԱԳ նախարարները համագործակցության մասին համաձայնագիր են ստորագրել
Քաղաքականություն
19.02.2019 | 14:43
Հարավային Օսիայի ԱԳ նախարար Դմիտրի Մեդոևն ու Արցախի ԱԳ նախարար Մասիս Մայիլյանը երկու երկրների արտաքին քաղաքական գերատեսչությունների միջև համագործակցության մասին համաձայնագիր են ստորագրել: Փաստաթղթի ստորագրման արարողությունը տեղի է ունեցել Ցխինվալում: Այս մասին գրում է «Sputnik Հարավային Օսիա»-ն՝ վկայակոչելով այդ երկրի ԱԳՆ մամուլի ծառայությունը:
Մասիս Մայիլյանը Ցխինվալում է եռօրյա աշխատանքային այցով:
«Հանդիպման ընթացքում Մեդոևն ու Մայիլյանը կարծիքներ են փոխանակել երկկողմ հարաբերությունների ընթացիկ վիճակի և զարգացման հեռանկարների վերաբերյալ, քննարկել են միջազգային և տարածաշրջանային արդիական խնդիրներին վերաբերող հարցեր»,- ասված է Հարավային Օսիայի ԱԳՆ-ի տարածած հաղորդագրությունում:
Կողմերի միջև ստորագրված համաձայնագիրը սահմանում է արտաքին քաղաքական ոլորտում երկրների համագործակցության հիմնական ուղղությունները, նախատեսում է միջազգային, տարածաշրջանային և երկկողմ հարցերին վերաբերող կանոնավոր խորհրդակցությունների և բանակցությունների անցկացում:
Կողմերն ակնկալում են, որ այն կնպաստի նաև Հարավային Օսիայի և Արցախի ԱԳ նախարարությունների միջև փոխգործակցության խորացմանը:
