11.12.2024 | 18:32
Մխիթար Հայրապետյանը ուղղորդե՞լ է Հակոբ Ասլանյանին «մեղայականով» հանդես գալ․ պատգամավորն ուշագրավ սքրինշոթեր է հրապարակել
Արմեն Սարգսյանի հարցը Ջո Բայդենին՝ ամերիկյան լրատվամիջոցների ուշադրության կենտրոնում
Քաղաքականություն
19.02.2019 | 14:26
Մյունխենում Անվտանգության համաժողովին մասնակցող Հայաստանի նախագահ Արմեն Սարգսյանը կարճատև ջերմ զրույց է ունեցել ԱՄՆ նախկին փոխնախագահ Ջո Բայդենի հետ:
CNN-ի փոխանցմամբ՝ զրույցը լրատվամիջոցների ուշադրության կենտրոնում է հայտնվել: «Ողջո՛ւյն, պարոն նախագահ: Կներեք, Ձեր կողքով անցա»,- կատակել է Ջո Բայդենը, ինչին Արմեն Սարգսյանը նույնպես կատակով է արձագանքել. «Դուք չեք կարող իմ կողքով անցնել»:
Այնուհետև Արմեն Սարգսյանը շշուկով հարցրել է. «Դուք առաջադրվելո՞ւ եք նախագահական ընտրություններին»: Բայդենը նույնպես շշուկով է պատասխանել, սակայն նրա ձայնը չի լսվել:
Ամերիկյան լրատվամիջոցներն ակտիվ քննարկում են զրույցի այս դրվագը՝ փորձելով հասկանալ Բայդենի պատասխանը: Բայդենի գլխի շարժումից լրատվամիջոցները ենթադրել են, որ ԱՄՆ նախկին փոխնախագահը դրական է պատասխանել:
Հիշեցնենք, որ ԱՄՆ նախագահական ընտրությունները տեղի են կունենան 2020 թվականին:
Նելլի Մելքոնյան
