Ես ամենևին կողմնակից չեմ կիսանախագահական համակարգին վերադարձ կատարելուն: Փետրվարի 19-ին խորհրդարանում լրագրողների հետ զրույցում ասաց ԱԺ նախագահ Արարատ Միրզոյանը:
«Ես կարծում եմ, որ պետք է շարունակել առաջ գնալ: Մենք հիմա ունենք խորհրդարանական համակարգ և պիտի ամեն ինչ անենք՝ այդ համակարգի կայացման համար: Իսկ սահմանադրական փոփոխություններ հնարավոր են, թեև կարծում եմ՝ ոչ այդպիսի մասշտաբային փոփոխություններ, որ երկիրը խորհրդարանականից անցում կատարի կիսանախագահականի», – ասաց նա:
Դիտարկմանը, թե Լենա Նազարյանն ասել է՝ իրենց օրակարգում սահմանադրական փոփոխությունների հարցը կա, այդ դեպքում ո՞ր հարցերն են փոփոխելի իրենց համար, Արարատ Միրզոյանը պատասխանեց. «Շրջանակն առայժմ հստակեցվում է: Բայց մենք այս ընթացքում տեսանք, որ կան բացեր, կան իրավիճակներ, որտեղ Սահմանադրությունը չի կարգավորում և, հնարավոր է, փակուղիներ առաջանան, այս ամենը պետք է ուսումնասիրել»:
Նրա խոսքով՝ գուցե քննարկումների ընթացքում անդրադարձ լինի նաև նախագահի լիազորությունների, Ընտրական օրենսգրքի փոփոխությունների հարցերին:
Մանրամասները՝ տեսանյութում:
