19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
Իսկ ի՞նչ պայմաններում են մեզ առաջարկում պատրաստվել խաղաղության․ Իլհամ Ալիևի գալով բոլոր խաղաղասիրական ծրագրերը դադարեցվել են․ Մարինա Գրիգորյան․ ՏԵՍԱՆՅՈՒԹ
Քաղաքականություն
19.02.2019 | 13:52
«Սովորական ցեղասպանություն» նախագծի ղեկավար Մարինա Գրիգորյանն այսօր հրավիրված ասուլիսի ժամանակ անդրադարձավ ԵԱՀԿ Մինսկի խմբի համանախագահների՝ «ժողովուրդներին խաղաղության պատրաստելու» մասին հայտարարությանը և հարցադրում հնչեցրեց. «Իսկ ի՞նչ պայմաններում են մեզ առաջարկում պատրաստվել խաղաղության»։
«Մինչև 2003 թվականն Ադրբեջանի, Հայաստանի և Արցախի բնակչության շրջանում բավական լավ ծրագրեր էին իրականացվում։ Դրանցից երկուսին ինքս անձամբ եմ մասնակցել, 1999 և 2001 թվականներին եղել եմ Բաքվում։ Այդ ժամանակ մարդկանց միջև կային շփումներ, իրականացվում էին խաղաղասիրական ծրագրեր, ու բոլորովին այլ հարց է, թե որքանո՞վ են դրանք եղել արդյունավետ։ Փաստն այն է, որ դեռ Հեյդար Ալիևի օրոք նման ծրագրեր են իրականացվել»,- ասաց Մարինա Գրիգորյանը։
Նրա խոսքով՝ պատկերն ամբողջությամբ փոխվել է Իլհամ Ալիևի պաշտոնավարումից սկսած, երբ այդ երկրում դադարեցվել են գործող խաղաղասիրական ծրագրերը։
«Իլհամ Ալիևի գալով բոլոր խաղաղասիրական ծրագրերը դադարեցվել են, ժողովրդական դիվանագիտության մակարդակով արված քայլերը՝ ևս։ Այն մարդկանց, ովքեր մասնակցել են նման խաղաղասիրական ծրագրերի, նրանց անվանել են դավաճաններ և արտաքսել Ադրբեջանից»,- ասաց «Սովորական ցեղասպանություն» նախագծի ղեկավարը։
Մանրամասները՝ տեսանյութում։
Աղավնի Սուքիասյան
