16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Ամերիկյան 16 նահանգ դատի է տվել նախագահ Թրամփին
Քաղաքականություն
19.02.2019 | 12:17
Ամերիկյան 16 նահանգ, այդ թվում՝ Կալիֆոռնիան, դատական հայց է ներկայացրել ԱՄՆ նախագահ Դոնալդ Թրամփի վարչակազմի դեմ: Պատճառը երկրում արտակարգ դրության ռեժիմ հայտարարելու մասին որոշումն է, որը թույլ կտա առանց Կոնգրեսի հավանության լրացուցիչ միջոցներ ստանալ ԱՄՆ-ի և Մեքսիկայի միջև պատի կառուցման համար, գրում է «Կոմերսանտը»:
«Այսօր մենք նախագահ Թրամփին դատարան ենք կանչում, որպեսզի դադարեցնենք նրա կողմից իշխանության չարաշահումը»,- Կալիֆոռնիայի գլխավոր դատախազ Խավիեր Բեսերային է վկայակոչում Reuters-ը:
Հայցի պատասխանող կողմերն են ԱՄՆ նախագահը, պաշտպանության, ֆինանսների և ներքին անվտանգության հարցերի նախարարները:
Ավելի վաղ ԱՄՆ նախագահը հայտարարել էր, որ երկիրը բախվել է «թմրանյութերի, մարդկանց և հանցավոր խմբավորումների հոսքին», և հարկավոր է անհապաղ քայլեր ձեռնարկել:
