14.12.2025 | 11:41
Ապարանի համայնքապետարանը՝ քամու պատճառած վնասների մասին
Մի՛արեք, դա հարցի լուծման ճանապարհ չէ. Նաիրա Զոհրաբյանը դիմել է հացադուլ անող դատապարտյալներին
Քաղաքականություն
18.02.2019 | 22:50
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանն, անդրադառնալով դատապարտայլաների՝ մասսայական հացադուլ հայտարարելու դեպքերին, իր ֆեյսբուքյան էջում գրել է.
«Կառավարությունը մերժեց իմ եւ Էդմոն Մարուքյանի՝ նախնական կալանքի 1 օրը 1.5 օր հաշվարկելու նախագիծը։ Կառավարության հիմնավորումների հետ, արդեն ասել եմ, համաձայն չեմ։ Սակայն, արդեն իսկ դատապարտյալների հարազատները, որ այսօր կառավարության դիմաց ցույց էին անում եւ բազմաթիվ դատապարտյալներ ինձ փոխանցել են, որ քրեակատարողական հիմնարկներում սկսելու են մասսայական հացադուլներ եւ անելու են ինքնավնասումներ։
Մի՛ արեք։ Դա հարցի լուծման ճանապարհ չէ։ Որպես Մարդու իրավունքների պաշտպանության եւ հանրային հարցերի մշտական հանձնաժողովի նախագահ, հորդորում եւ խնդրում եմ՝ չանեք նման բան։ Ես շարունակելու եմ արդարադատության նախարարության հետ քննարկումները եւ փորձելու ենք օպտիմալ լուծում գտնել։
Կգտնվի, թե ոչ՝ այս պահին չգիտեմ։ Բայց մեկ բան վստահաբար գիտեմ՝ հացադուլներով ու ինքնավնասումներով այս խնդիրը չենք լուծելու»։
