14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հայաստանը կարող է նոր ռազմական վարկ ստանալ Ռուսաստանից. Դավիթ Տոնոյան
Քաղաքականություն
18.02.2019 | 15:03
Հայաստանը 100 մլն դոլարի ընթացիկ համաձայնագրի ավարտից հետո կարող է նոր ռազմական վարկ ստանալ Ռուսաստանից: Riafan.ru-ի փոխանցմամբ՝ այս մասին ՀՀ պաշտպանության նախարար Դավիթ Տոնոյանն ասել է ՌԻԱ Նովոստիին:
«Դա [ռազմական վարկը] հնարավոր է: Ներկայում հստակ սպառազինության նոմենկլատուրայի մասին խոսելը վաղ է»,- IDEX-2019 ցուցահանդեսի ժամանակ ասել է նախարարը:
Աղբյուրը նշում է, որ Հայաստանը հետխորհրդային տարածաշրջանում Ռուսաստանի հիմնական դաշնակիցն է, և ռազմական համագործակցության շրջանակում 2016 թվականին Երևանը Մոսկվայից «Իսկանդեր» համալիր է ստացել:
Նշենք, որ Հայաստանը ՌԴ-ից արդեն ընդհանուր առմամբ 200 մլն դոլարի վարկ է ստացել՝ սպառազինություն և զինտեխնիկա ձեռք բերելու համար:
