ԼՀԿ-ն շրջանառության մեջ կդնի սահմանադրական փոփոխությունների փաթեթ. Էդմոն Մարուքյան. ՏԵՍԱՆՅՈՒԹ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Մոտ օրերս «Լուսավոր Հայաստանը» շրջանառության մեջ կդնի սահմանադրական բարեփոխումների փաթեթ, որով նախատեսվում է ընդդիմությանը մի շարք լիազորություններ տալ: Այս մասին փետրվարի 18-ին խորհրդարանական ճեպազրույցների ժամանակ հայտարարեց ԼՀԿ խմբակցության ղեկավար Էդմոն Մարուքյանը:

Մարուքյանի խոսքով՝ փաթեթը «Ելք» դաշինքի ժամանակ է մշակվել և ուղղված է խորհրդարանական խմբակցությունների դերի բարձրացմանը:
Պատգամավորը մանրամասնեց, թե ինչ փոփոխությունների մասին է խոսքը. «Օրինակ՝ խմբակցությունը, դիմելով սահմանադրական մարմնին, կարող է վարչապետի թեկնածու առաջադրել, բայց ՀՀ նախագահի թեկնածու չի կարող, պետք է ստորագրություններ հավաքի»: Նա նաև հիշեցրեց, որ Արտակ Զեյնալյանին իրենք ժամանակին հենց այդ պատճառով չկարողացան առաջադրել:

Էդմոն Մարուքյանի խոսքով՝ խմբակցությունը չի կարող քննիչ հանձնաժողով ստեղծելու համար նախաձեռնությամբ հանդես գալ, ինչպես նաև ՍԴ դիմելու հետ կապված խնդիրներ կան, որոնք փաթեթում առաջարկում են շտկել:

Բացի այդ, ըստ նրա, անցած ժամանակաշրջանի համեմատ՝ պայմանները հիմա ավելի սուղ են: «Որովհետև եթե այն ժամանակ կար չորս խմբակցություն և չորսի մեջ պետք է հավաքեիր ստորագրությունները, հիմա երեքն են, և նման լիազորություն չտալը սխալ է»,- ասաց նա:

Մարուքյանը նաև ասաց՝ Հայաստանը չի անցել ամբողջական պառլամենտական համակարգի, և այս նախաձեռնությունը միտված է, որ ամբողջական պրոցեսը սկսվի, նաև սուպերվարչապետական համակարգի բարեփոխումների հարցին կանդրադառնան, որի մասին բազմիցս խոսել են: «Մենք չենք կարող կառուցվածքի փոփոխության նախաձեռնություն անել, իշխանությունները պետք է բերեն, որ նախաձեռնենք»,- ասաց նա:

ԼՀԿ խմբակցության ղեկավարը նշեց, որ նախագիծը նախ կուղարկեն խմբակցություններին՝ ԲՀԿ-ին ու «Իմ քայլին», և պաշտոնապես կդնեն շրջանառության մեջ:

 

Մանրամասները՝ տեսանյութում:

Նարեկ Կիրակոսյան