03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Փոխվարչապետը կհանդիպի Ալավերդու պղնձաձուլարանի աշխատակիցներին
Տնտեսություն
15.02.2019 | 19:27
Այսօր Ալավերդու պղնձաձուլարանի աշխատակիցները կրկին փակել են Երևան-Թբիլիսի երկաթգիծը և պահանջում էին լուծում տալ գործարանի խնդրին: Լոռու մարզպետ Անդրեյ Ղուկասյանը եղել է Ալավերդու պղնձաձուլական գործարանում, հանդիպել աշխատակիցների հետ: Նա վերահաստատել է կառավարության մոտեցումը՝ խնդիրը ամենաշահավետ տարբերակով լուծելու վերաբերյալ։
Մարզպետարանի պաշտոնական կայքից տեղեկանում ենք, որ երկուստեք համաձայնություն է ձեռք բերվել, և ընդամենը ժամեր անց մարզի ղեկավարը և գործարանի մի խումբ աշխատակիցներ Երևանում կհանդիպեն փոխվարչապետի հետ: Փոխվարչապետի գրասենյակից Factor.am-ին հայտնեցին, որ հանդիպումն այսօր կկայանա, բայց այն դեռ չի մեկնարկել։
Նշենք, որ նրանք մեկ օր առաջ կրկին փակել էին երկաթգիծը։ Նրանց խոստացել էին, որ փոխվարչապետ Տիգրան Ավինյանի ու ՎՏԲ բանկի ներկայացուցիչների և իրենց միջև հանդիպում կկազմակերպվի: Այդ հանդիպումը, սակայն, այսօր չէր կայացել և վրդովված աշխատակիցները կրկին բողոքի այս տարբերակին էին դիմել:
