03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
ԱՄՆ-ն այլևս զենք չի վաճառի Էրդողանի անվտանգության աշխատակիցներին
Քաղաքականություն
15.02.2019 | 20:14
ԱՄՆ Կոնգրեսն արգելել է ամերիկյան արտադրության զենք վաճառել Թուրքիայի նախագահ Էրդողանի անվտանգության աշխատակիցներին․ հայտնում է Rusarminfo-ն։
Ընդունված օրենսդրական ակտի մեջ նշվում է, որ ԱՄՆ-ն Էրդողանի անվտանգության աշխատակիցներին զենք չի վաճառելու, քանի դեռ պետքարտուղար Մայք Պոմպեոն օրենսդրական մարմնին Էրդողանի թիկնապահների՝ 2017 թվականին Վաշինգտոնի կենտրոնում խաղաղ ցույցեր անցկացնող հայերի և քրդերի վրա հարձակումների մասին համապատասխան հաշվետվություն չի ներկայացրել։
Կոնգրեսն արգելել է նաև ամերիկյան F-35 կործանիչների վաճառքն Անկարայում, քանի որ ԱՄՆ պաշտպանության նախարարը Թուրքիայի կողմից գնված ռուսական ЗРС С-400-ի գնման մասին համապատասխան հաշվետվություն չի ներկայացրել։
ԱՄՆ-ում Հայ դատի հանձնախումբը (ANCA) և Հայ-հունական առաջնորդների խորհուրդը ողջունել են հանձնաժողովի ընդունած որոշումը;
Այս պահին փաստաթուղթն ուղարկվել է ԱՄՆ նախագահ Դոնալդ Թրամփին՝ ստորագրման համար։
Ավելի վաղ՝ նախագահի անվտանգությունն ապահովելու նպատակով զինամթերքի գնման վերաբերյալ Թուրքիան բանակցություններ է վարել։
Հիշեցնենք, որ հրապարակվել էր տեսանյութ, որտեղ երևում էր՝ ինչպես է մեքենայի մեջ նստած Էրդողանը հրահանգ տալիս իր անվտանգության աշխատակիցներից մեկին, ինչից հետո մյուսները հարձակվում են Էրդողանի՝ ԱՄՆ այցելության դեմ խաղաղ ցույց իրականացնող հայերի և քրդերի վրա։
Նելլի Մելքոնյան
